Byudjet tizimi byudjetlari g‘aznachilik ijrosining nazariy jihatlari

Byudjetdan tashqari mablag’lar bo’yicha shaxsiy g’azna hisobvaraqlari quyidagi hujjatlarga asosan ochiladi:

• byudjetdan mablag’ oluvchining shaxsiy g’azna hisobvarag’ini ochish to’g’risidagi arizasi, agar byudjetdan mablag’ oluvchi bir vaqtning o’zida yuridik shaxs maqomiga ega bo’lmagan, quyi byudjetdan mablag’ oluvchilar uchun byudjet mablag’larini taqsimlovchisi bo’lsa, tegishli shaxsiy g’azna hisobvaraqlar ochish uchun shaxsiy g’azna hisobvarag’i ochish to’g’risidagi xizmat ko’rsatiladigan quyi byudjetdan mablag’ oluvchilarning ro’yxati ilova qilinadi;
• limitlangan byudjetdan tashqari mablag’larning tushumi va xarajatlari bo’yicha (tushumi va xarajat yo’nalishi limitlanmagan byudjetdan tashqari mablag’lar bundan mustasno) xarajatlar smetasi, bunda, yuridik shaxs maqomiga ega bo’lmagan va quyi byudjetdan mablag’ oluvchilarning xarajatlariga xizmat ko’rsatish va hisobini yuritishni amalga oshiradigan byudjetdan mablag’ oluvchilar uchun ularning shaxsiy xarajatlari (alohida xarajatlar smetasi asosida) hisobini yuritish uchun alohida shaxsiy g’azna hisobvaraq ochiladi va xizmat ko’rsatiladigan quyi byudjetdan mablag’ oluvchilar uchun alohida (umumiy xarajatlar smetalari asosida) har bir byudjet tasnifining kichik bo’limlari bo’yicha shaxsiy g’azna hisobvaraqlar ochiladi.

Byudjetdan mablag’ oluvchilarning shaxsiy g’azna hisobvaraqlarini ularning qayta tashkil etilishi, bo’ysunuvdagi o’zgarishlari, tugatish komissiyasi ish faoliyatining tugatilishi, byudjetdan mablag’ oluvchining boshqa g’aznachilik bo’linmasi tomonidan xizmat ko’rsatilishiga o’tishi munosabati bilan yoki qonun hujjatlarida nazarda tutilgan boshqa hollarda moliya organi tomonidan yopish belgilangan shakldagi shaxsiy g’azna hisobvaraqni yopish to’g’risidagi arizaga asosan amalga oshiriladi. Shaxsiy g’azna hisobvaraqlarning yopilishi Byudjetdan mablag’ oluvchilarning shaxsiy g’azna hisobvaraqlarini ro’yxatga olish jurnalida ro’yxatga olinadi.
Moliya organlari tomonidan byudjetdan mablag’ oluvchilarga yangi shaxsiy g’azna hisobvaraqlarni ochish qayta tashkil etish jarayoni tugallangandan so’ng, shuningdek byudjetdan mablag’ oluvchining turgan byudjet darajasi o’zgarganda va bir g’aznachilik bo’linmasidan boshqa g’aznachilik bo’linmasiga xizmat ko’rsatilishiga o’tganda amalga oshiriladi