Buyuk ipak yo`li va hozirgi zamon. (2 soat) Seminar mashg’ulotni o`tish texnologiyasi

Amir Temur va temuriylar davrida mintaqadagi savdo yo’llari qaytadan tiklanib boshladi. Amir Temur Movarounnahrda hokimiyatni o’z qo’liga olgach, xalqaro karvon yo’llari xavfsizligini to’liq ta’minlashga erishdi. XIV asrning 70-yillaridan boshlab Buyuk ipak yo’lining Movarounnaxr orqali o’tgan yo’nalishlari bo’ylab xalqaro savdo aloqalar yuksaldi. Amir Temur va temuriylar davri O’rta Osiyoning karvon yo’llari tizimi va keng ko’lamdagi halqaro iqtisodiy-madaniy aloqalari rivoji tarixida muhim bosqich bo’lib, Movarounnahr va Xuroson shaharlari bu jarayonda yetakchi rol o’ynaganlar.

So’nggi o’rta asrlarda O’rta Osiyo tarixida inqirozli xususiyatlar ko’zga tashlanadi. yevropani Hindiston va Xitoy bilan bog’lovchi suv yo’llari ochilishi, Buyuk ipak yo’li bo’ylab savdo aloqalari zaiflashishi Buyuk ipak yo’li orqali olib borilgan ijtimoiy-iqtisodiy aloqalar rivojiga salbiy ta’sir ko’rsatdi. XVI-XIX asrlarda O’rta Osiyo xonliklarining asosiy siyosiy va iqtisodiy hamkori sifatida Rossiya davlatining mavqei oshib bordi. Bu o’z navbatida, O’rta Osiyoni Volgabo’yi va Sibir shaharlari bilan bog’lovchi karvon yo’llari faoliyatini kuchaytirdi. So’nggi o’rta asrlarda mintaqa Sharqiy Turkiston va Xitoy, Eron, Afg’oniston va Hindiston bilan an’anaviy aloqalarini ham saqlab qoldi.

O’rta asrlarda mintaqaning karvon yo’llari tarmoqlari barcha yirik shaharlar va qishloqlarni qamrab olgan edi. Xalqaro aloqalar mintaqa shaharlari rivojiga, savdo-sotiq va hunarmandchilik taraqqiyotiga ijobiy ta’sir ko’rsatadi