Buyrug‘i mahsulotlarni sertifikatlash qoidalarini tasdiqlash to‘G‘risida

O‘ZBEKISTON STANDARTLASHTIRISH, METROLOGIYA VA SERTIFIKATLASHTIRISH AGENTLIGI BOSH DIREKTORINING
BUYRUG‘I
MAHSULOTLARNI SERTIFIKATLASH QOIDALARINI TASDIQLASH TO‘G‘RISIDA
[O‘zbekiston Respublikasi Adliya vazirligi tomonidan 2005-yil 18-martda 1458-son bilan davlat ro‘yxatidan o‘tkazildi]
O‘zbekiston Respublikasi Vazirlar Mahkamasining 2004-yil 6-iyuldagi 318-sonli “Mahsulotlarni sertifikatlashtirish tartibotini soddalashtirishga doir qo‘shimcha chora-tadbirlar to‘g‘risida” qarorining 6-bandiga asosan buyuraman:
1. Mahsulotlarni sertifikatlash qoidalari ilovaga muvofiq tasdiqlansin.
2. Ushbu buyruq kuchga kirgan sanadan e’tiboran O‘zDSt 5.7:2003 “O‘zSMT. Mahsulotlarni sertifikatlash tartibi” o‘z kuchini yo‘qotgan deb hisoblansin.
3. Mazkur buyruq O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiritilsin.
O‘zbekiston standartlashtirish, metrologiya va sertifikatlash agentligi bosh direktori R. BO‘RIYEV
Toshkent sh.,
2005-yil 25-fevral,
59-son
O‘zbekiston standartlashtirish, metrologiya va sertifikatlash agentligi bosh direktoriing 2005-yil 25-fevraldagi 59-son buyrug‘i bilan
“TASDIQLANGAN”
Mahsulotlarni sertifikatlash
QOIDALARI
Mazkur Qoidalar O‘zbekiston Respublikasi Vazirlar Mahkamasining 2004-yil 6-iyuldagi 318-sonli “Mahsulotlarni sertifikatlashtirish tartibotini soddalashtirishga doir chora-tadbirlar to‘g‘risida”gi qarorining 6-bandiga muvofiq (O‘zbekiston Respublikasi qonun hujjatlari to‘plami, 2004-y., 27-son, 315-m.) ishlab chiqilgan va O‘zbekiston Respublikasi sertifikatlashtirish Milliy tizimida (bundan buyon matnda O‘z SMT) respublikada ishlab chiqariladigan va chetdan keltiriladigan mahsulotni sertifikatlashtirishga tayyorlash va o‘tkazishga umumiy talablarni belgilaydi.
Majburiy sertifikatlanadigan mahsulotlarni sertifikatlashtirishning o‘ziga xos xususiyatlari “O‘zstandart” agentligining alohida me’yoriy-huquqiy hujjatlari bilan tartibga solinadi.