Buxro davlat universiteti

Baholar va jazolar. IPPON.

Dzyudochi nazoratni amalga oshirib o`z raqibini ancha kuch va tezlik bilan orqa tomonining salmoqli qismi bilan tatamiga tashlasa, referi IPPON e`lon qiladi.
IPPON yana quyidagi holatlarda e`lon qilinadi:

• 
  uke qocha olmaydigan darajada to`xtovsiz 25 soniya bosib turilsa;
  
• 
  uke Maita (taslimman) so`zini aytsa;
  
• 
  ikki va undan ortiq marotaba oyog`i yoki qo`li bilan qoqib qo`ysa;
  
• 
  mahalliy/milliy musobaqalarda og`ritish yoki bo`g`ish usullari samarali tugashi aniq bo`lib qolsa (xalqaro musobaqalarda emas).
  

Ishora: Yon tomondan qo`l vertikal, boshdan yuqoriga, barmoqlar birlashtirilgan va kaft oldinga qaratilgan holatda bajariladi.

VAZARI.

Tashlash texnikasi ideal tarzda bo`lmasa, ya`ni harakat IPPON bo`lishiga etarli omillarning to`rtdan biri mavjud bo`lmasa yoki bosib turish 20 soniyadan ortiqroq, lekin 25 soniyadan kam bo`lsa, referi VAZARIni e`lon qilib, shunga muvofiq ishora ko`rsatadi.
VAZARI quyidagi holatlarda e`lon qilinadi:

• 
  agar uke orqasiga aniq ravishda yiqilmasa (orqasining katta qismi bilan tushmasa);
  
• 
  agar uke yiqilish holatidagi kuch va tezlik sifatlarini nazorat qilib, sekin va asta yiqilsa;
  
• 
  barcha holatlarda samarali (natijali), biroq sekin tashlashlar bajarilganda.
  

Ishora: Qo`l (panja) harakati qarshi tomondagi sondan boshlanib, qo`l tananing yon tomoniga, elkalar balandligiga, kaftlar pastga qaratilgan holatda cho`ziladi. Qo`l elkadan sal yuqoriga ko`tarilishi, VAZARI va YuKO orasidagi farq aniq bo`lishi uchun tavsiya etiladi.
Izoh: Bosib turish bir marta (bosib turish e`lon qilinganda), bosib turish davomiyligiga asoslanib baholanadi. Referi bosib turishning 20-soniyasida VAZARI e`lon qilmasligi lozim. Faqatgina bosib turish 25 soniyaga etmasdan to`xtasa, VAZARI e`lon qilinadi.
Qo`shimcha tushuntirishlar bilan yuqoridagi bo`limlarda tanishishlaringiz mumkin.