Buxro davlat universiteti

MUSOBAQADA O`Z VAQTIDA BO`LMASLIK YoKI IShTIROK ETIShDAN VOZ KEChISh (“FUSEN-GAChI” VA “KIKEN-GAChI”)

1. 
   “FUSEN-GAChI” qarori (raqibning bellashuvga kelmasligi natijasidagi g`alaba) raqibi uchrashuvga kelmagan ishtirokchiga e`lon qilinadi. Uchrashuvga o`z vaqtida etib kelmagan ishtirokchi, 5 daqiqadan so`ng chaqirilgan holatda ham etib kelmasa, ushbu uchrashuvda qatnashish huquqidan mahrum bo`ladi.
   
2. 
   “KIKEN-GAChI” qarori raqibi uchrashuvda, qanday sabab bo`lishidan qat`iy nazar, qatnashishdan bosh tortsa, ikkinchi ishtirokchiga e`lon qilinadi.
   

BELLAShUV VAQTIDA HAKAMNING HARAKATLAR TARTIBI Bellashuv vaqtida referilar almashishi.

Agar referi jiddiy jarohat yoki kasallansa va o`z vazifasini davom ettira olmasa, yon xakamlardan biri referi vazifasini o`z qo`liga olishi kerak.
Odatda yon xakamni almashtirish qiyinchiliklar keltirib chiqaradi, chunki boshqalar bellashuvni rasmiy ravishda kuzatmagan bo`ladi. Biroq agar
uchrashuvdan oldin, har qanday sabablarga ko`ra, bironta hakam bellashuvni boshidan kuzatgan bo`lsa, bu hakamni ishga solish mumkin.

Bellashuv hududida joylashish.

• 
  Agar bellashuv hududida belgilar bo`lsa, ko`k belgi hakamlar stoliga qarayotgan referining o`ng tarafida bo`ladi.
  
• 
  Yon hakamlar o`tirg`ichi quyidagicha joylashadi: referining oldidan - o`ng tarafda, orqasidan - chap tarafda.
  

Bellashuv boshlanishi va tugashi. XAJIME.

Referi XAJIME buyrug`ini bellashuvni boshlash yoki MATE buyrug`idan so`ng, davom ettirish uchun beradi. Ishora bo`lmaydi.
Agar MATE buyrug`i ishtirokchining chiqib ketish holatida berilgan bo`lsa, ishtirokchilar o`zlarining dastlabki holatini qabul qilishi va XAJIME buyrug`i orqali bellashuvni davom ettirishi shart emas. Biroq referi ishtirokchilarning yuzi bir-biriga qaratilgan holda ekanligi va hech biri ustunlikka ega emasligiga ishonch hosil qilishi lozim.
Har safar XAJIME buyrug`ini berishdan oldin referi yon hakamlar o`z joyidaligi, tablodagi hakamlar, sekundometrchi hakamlar tayyorligiga va ishtirokchilar kiyimi qoidalar talabiga javob berishiga ishonch hosil qilishlari lozim.