Buxoro viloyati Vobkent tumani 2-sonli kasb-hunar maktabida “Payshanba profilaktika kuni” munosabati bilan o‘tkazilgan yig‘ilish Bayonnomasi

“T A S D I Q L A Y M A N”
Vobkent tuman 2-son kasb hunar maktabi direktori
_____________ O.A.Baqoyev
2022 yil 10 mart
Buxoro viloyati Vobkent tumani 2-sonli kasb-hunar maktabida “Payshanba profilaktika kuni” munosabati bilan o‘tkazilgan yig‘ilish
Bayonnomasi
2022 yil 10-mart Vobkent tuman
Qatnashdilar: Kasb-hunar maktabi direktori: O.A.Baqoyev,
Kosari MFY IIB profilaktika inspektori leytenant A.Amonov, YOBIBDO‘ M.Esanova, psixolog M.Norova, yoshlar ittifoqi yetakchisi M.Mustafoyeva, I-II guruh o’quvchilar.
Kun tartibi:

1. 
   Maktabda o‘quvchilarning tartib-intizomi va davomat tartibi;
   

2. 
   Maktabning ichki tartib-intizomi to‘g‘risida.
   

Eshitildi:
Kun tartibidagi masalalar yuzasidan YOBIBDO’ M.Esanova quyidagilar to‘g‘risida gapirdi: o‘quvchilar o‘rtasida turli huquqbuzarliklar va jinoyatchilikni oldini olish mavzularida tushuntirish ishlari olib borildi.. Ushbu tushuntirish ishlar doirasida yuqori guruhlarda davomat tadbiri o‘kazildi. Maktab o‘quvchilari nazoratdan o‘tkazilib, maktabda o‘quv qurollaridan, darsliklardan tashqari ortiqcha narsa bo‘lmasligi ta’kidlandi. I-II guruhi o‘quvchilari bilan “Voyaga yetmaganlar o‘rtasida huquqbuzarlik va jinoyatchilikni oldini olish” dars jarayonida darslarga kirmasdan, bemaqsad karidorlarga yurish, boshqa darslarga xalaqit berish kabi noxush holatlarni oldini olish va bu borada o‘quvchi yoki uning ota-onasiga nisbattan ichki ishlar xodimlari tomonidan ko‘rilishi lozim bo‘lgan choralar to‘g‘risida, maktabda o‘quvchi-yoshlarni g‘oyaviy taxdid va past saviyali "ommaviy madaniyat" va boshqa turdagi g‘oyalarning zararli ta’siridan himoya qilishga qaratilgan ma’rifiy suhbatlar tashkil etish rejaga asosan o‘tkazilayotgani haqida, o‘quvchilarni dars mashg‘ulotlariga ishtirokini aniqlash bo‘yicha alohida davomat daftari tashkil etilgan bo‘lib har hafta payshanba kuni sinflar kesimida tahlil qilinib davomati yomon o‘quvchilar bilan alohida ishlar olib borilishini, darslarga qatnashmaslik sabablari aniqlanadi. Ana shunday o‘quvchilar aniqlanib, maktabga kelmaslik sabablari aniqlanib, o‘rganilib, tushuntirish ishlari olib borilib darslarda muntazam ishtirok etishlari ta’minlanishi haqida gapirdi.
Yoshlarni kelgusida nojo‘ya xatti–harakatlardan saqlanib, bo‘sh vaqtlarini mazmunli o‘tkazish maqsadida sport seksiyalariga, fan to‘garaklariga ishtirok etishlari maqsadga muvofiq bo‘lishini ta’kidladi.
Shu bois ta’lim–tarbiya jarayoni samaradorligini yanada oshirishni ta’minlash, har tomonlama rivojlangan va barkamol avlodni tarbiyalash uchun zarur shart-sharoitlar yaratish maqsadida Vazirlar Mahkamasi 2012 yil 21-may kuni «O‘zbekiston Respublikasi ta’lim muassasalarida mobil telefonlardan foydalanishni tartibga solish chora-tadbirlari to‘g‘risida»gi 139-sonli Qarori va ushbu Qaror asosida Nizom qabul qilindi. Mazkur Nizom idoraviy mansubligidan qat’i nazar, umumiy o‘rta, o‘rta maxsus, kasb-hunar va oliy ta’lim muassasalarida mobil telefonlardan foydalanish tartibini belgilaydi hamda sifatli ta’lim olish va kasbiy tayyorgarlikka ega bo‘lishda, davlat va jamiyat manfaatlari yo‘lida o‘quvchi yoshlarning sog‘lig‘ini saqlashda xavf-xatarlarni kamaytirishda ularning konstitutsiyaviy huquqlarini ta’minlashga yo‘naltirilgan. Bu bilan o‘quv jarayonida, shu jumladan ta’lim oluvchilar tomonidan telefonlardan foydalanish bilan bog‘liq bir qator salbiy hodisalarning oldi olinadi va bartaraf etiladi. Shu singari telefon orqali milliy ma’naviyatimizga zid axloqsiz filmlarning tarqalishiga chek qo‘yishga jiddiy kirishilsa, muammoning ildizi qirqilardi.
Yuqoridagilardan kelib chiqib yig‘ilish
Yig’ilish qaror qiladi:

1. 
   Kasb-hunar maktabi o‘quvchilarining darslarda doimiy qatnashishlari va maktabning ichki tartib-intizomiga rioya qilishlarini Kasb-hunar maktabi ma’muriyati va guruh raxbarlariga nazorat qilish yuklatilsin.
   
2. 
   Ota-onalar bilan doimiy hamkorlikda ish olib borish barcha guruh
   

rahbarlariga topshirilsin.

3. 
   Maktab o‘quvchilari o‘rtasida turli xildagi huquqbuzarliklarning oldini olish, bu borada ota-onalar va jamoat tashkilotlari, huquqni muhofaza qilish organlari bilan xamkorlikda targ‘ibot-tashviqot ishlarining samarali vositalarini ishlab chiqilsin hamda amaliyotga tadbiq etilsin.
   
4. 
   Yuqoridagi qarorlar nazorati YOBIBDO‘ M.Esanova zimmasiga yuklatilsin.
   

Bayonlashtirdi: M. Mustafoyeva