Buxoro viloyati

Buxoro viloyati

Vikipediya, ochiq ensiklopediya

Oʻtish: foydalanish, Qidir

Buxoro viloyati
Markaz	Buxoro
Eng yirik shaharlar	Buxoro Gʻijduvon Kogon
Maydon - Butun	O`zR: 2- o`rinda 39,400 km²
Aholi - Butun - Zinchlik	O`zR: 9- o`rinda 1,539,400 35 kishi/km²
ISO Qisqartmasi	UZ-BU
Avtomobil Nomeri	20 (eski ko'rinishi 1998-2008) 80-84 (Yangi ko'rinish 2008)
Viloyat taomi	oshi sofi,shashlik(six kabob),somsa

Buxoro viloyati - O‘zbekiston respublikasining 12 viloyatlaridan biri. 1938-yil 15-aprelda tashkil topgan. Viloyat mamlakatning janubi-gʻarbiy qismida joylashgan boʻlib, Qizilqum choʻlining kattagina qismini egallagan. Qoraqalpogʻiston Respublikasi, Xorazm, Navoiy, Qashqadaryo viloyatlari va janubda qoʻshni Turkmaniston Respublikasibilan chegaradosh.
Avvaliga Buxoro viloyati respublikaning kattagina 144 ming km² maydonini egallagan edi. 1982 yili Oʻzbekiston xaritasida Navoiy viloyatining paydo boʻlishi tufayli Buxoro viloyatining maʼlum bir qismi (Konimex, Navbahor, Tomdi, Uchquduq, Qiziltepa qishloq tumanlari va Navoiy, Zarafshon shaharlari) ana shu viloyatga berildi. Shunga koʻra uning maydoni kichrayib, 39,4 ming km² teng boʻlib qoldi. Koʻrinib turibdiki, Buxoro viloyati maydonining kattaligi jihatidan hali ham ancha yuqori oʻrinni - Qoraqalpogʻiston Respublikasi va Navoiy viloyatidan keyin uchinchi oʻrinni egallab turibdi. Aholisining soni boʻyicha esa u toʻqqizinchi oʻrinda. Viloyatda istiqomat qiladigan aholi soni 1539,4 ming kishini tashkil etadi (2006 yil). Aholisining uchdan ikki qismi qishloq aholisi. Hududning har bir km²iga oʻrta hisob bilan 35 kishi toʻgʻri keladi.
Viloyat hududi 11 qishloq tumanlariga boʻlinadi. Ular quyidagilar: Buxoro, Jondor, Kogon, Vobkent, Olot, Peshku, Romitan, Shofirkon, Qorovulbozor, Gʻijduvon, Gallaosiyo. Shaharlarining soni 11 ta: Buxoro, Vobkent, Gazli, Kogon, Olot, Romitan, Shofirkon, Qorakoʻl, Qorovulbozor, Gallaosiyo, Gʻijduvon.
Buxoro viloyatining markazi - Buxoro shahri.