Buxoro viloyati shofirkon tumani

2. Таклиф қилинаётган қўллаб-қувватлаш чоралари савдо-воситачилик фаолияти билан шуғулланувчи экспортёрларга ҳам татбиқ этиш.
Ҳозирда савдо-воситачилик фаолияти билан шуғулланувчи субъектларга Тадбиркорлик фаолиятини қўллаб-қувватлаш давлат жамғармаси ёрдамини кўрсатиш тақиқланган.
3. Инвестициялар ва ташқи савдо вазирлиги қошидаги Экспортни рағбатлантириш агентлигига қуйидаги қўшимча вазифалар юкланмоқда:

• 
  банкларга экспорт билан боғлиқ савдо операциялари ва экспортолди молиялаштириш кредитлари учун молиявий ресурслар ажратиш;
  
• 
  молия ташкилотлари ва хорижий банклардан экспортолди молиялаштириш учун маблағлар жалб этиш ишларини ташкиллаштириш.
  

4. Тижорат банкларига арзон молиявий ресурсларни тақдим этиш мақсадида Агентлик қошида юридик шахс ташкил этмаган ҳолда Экспортни қўллаб-қувватлаш жамғармасини ташкил этиш.
Жамғарма ресурс базаси манбалари: Тикланиш ва тараққиёт жамғармасининг 100 млн доллар маблағи, шунингдек халқаро молия институтлари, хорижий ҳукумат молия ташкилотлари, хорижий банклар ҳамда молия компанияларининг қарзлари.
5. Таклиф қилинаётган қўллаб-қувватлаш чора-тадбирлари қуйидаги шартларда амалга оширилиши кўзда тутилмоқда:

• 
  чора-тадбирлар Ўзбекистон Республикаси Президентининг
  2018 йил 29 ноябрдаги ПФ–5587-сон Фармони билан тасдиқланган рўйхатдаги хомашё товарларига нисбатан татбиқ этилмайди;
  
• 
  Агентлик томонидан экспортолди молиялаштириш кредитлари учун ажратиладиган бир марталик молиявий ресурсларнинг энг кўп миқдори 1 млн доллар эквивалентида ҳамда бир йилгача муддатга тақдим этилади;
  
• 
  Агентлик томонидан ажратиладиган молиявий ресурслар ҳисобидан берилган кредитни тўлиқ сўндирмаган экспорт қилувчи
  учун бундай молиявий ресурслар ажратишга йўл қўйилмайди;
  
• 
  экспортолди молиялаштириш кредитлари Агентлик томонидан ажратиладиган молиявий ресурслар ҳисобидан молиялаштирилганда, Тадбиркорлик фаолиятини қўллаб-қувватлаш жамғармаси томонидан компенсациялар тақдим этилмайди.