Buxoro viloyati shofirkon tumani

Ўзбекистон Республикаси
Президенти Ш.МИРЗИЁЕВ

Топшириққа асосан, “Экспорт фаолиятини молиявий қўллаб-қувватлашни янада кенгайтириш бўйича чора-тадбирлар тўғрисида”ги Фармон лойиҳаси ишлаб чиқилди.

(Жорий йил 15 октябрь ҳолатига Экспортни рағбатлантириш агентлиги томонидан 2 752 та корхонага 48,8 млрд сўм ҳамда Тадбиркорлик фаолиятини қўллаб-қувватлаш давлат жамғармаси томонидан 393 та корхонага 147,4 млрд сўм (1 трлн сўм кредитлар доирасида) молиявий ёрдамлар кўрсатилган. Молиявий ёрдам кўрсатилган корхоналар томонидан жами 2,4 млрд долларлик экспорт амалга оширилган)
Лойиҳани ишлаб чиқишда 9 та вазирлик ва идораларнинг мутахассислари иштирок этди. Муҳокама жараёнида берилган таклифлар лойиҳада инобатга олинди.
I. Сизга кўриб чиқиш учун киритилаётган Фармон лойиҳасида қуйидагилар назарда тутилмоқда:
1. Тадбиркорлик фаолиятини қўллаб-қувватлаш давлат жамғармаси томонидан экспортёрларга бериладиган ёрдам миқдорини ошириш:
а) компенсацияларни кредит фоизи ва миқдоридан қатъи назар:

• 
  миллий валютада кредит фоизининг 50 фоизигача (ҳозирда фақат 14 фоиздан юқори қисми), бироқ 10 фоиз пунктдан кўп бўлмаган миқдорда;
  
• 
  чет эл валютасида кредит фоизининг 50 фоизигача, бироқ 5 фоиз пунктдан кўп бўлмаган миқдорда (ҳозирда 40 фоизгача, бироқ 4 фоиз пунктдан ошмаган қисми) компенсациялар тақдим этиш.
  

б) кредит суммасининг 50 фоизигача, бироқ 8 млрд сўмдан (ҳозирда 4 млрд сўм) ошмаган миқдорда кафиллик бериш;
в) кафилликлар бўйича комиссия тўлови миқдорини 2 бараварга камайтириш (ҳозирда комиссия тўлови кафиллик суммасининг 1 фоизини ташкил қилади);
г) аввал олган кредитлари бўйича қарздорлиги бўлишидан қатъи назар, ижобий кредит тарихига эга экспортёрларга айланма маблағларини шакллантириш учун қўшимча олинадиган кредитлари бўйича компенсация ва (ёки) кафилликлар тақдим этиш.