Buxoro shahar xtb ga qarashli 33-maktab matematika fani o’qituvchisi Kasimova Dilfuza Rizoyevnaning 2019-2020 o’quv yili uchun yillik ish hisoboti

Buxoro shahar XTB ga qarashli 33-maktab matematika fani

o’qituvchisi Kasimova Dilfuza Rizoyevnaning

2019-2020 o’quv yili uchun yillik ish hisoboti.

Men matematika fanidan 5-b, 9-v, 11-a, 11-b sinflarida dars olib bordim. Haftalik 20 soat darsim bor. 5-b sinfida 30 nafar o’quvchi o’qiydi. Shulardan 15 tasi 5 baho bilan,12 tasi 4 baho bilan, 3 tasi 3 baho bilan o’quv yilini yakunladi. 9-v sinfida 31 nafar o’quvchi o’qiydi. Shulardan 17 tasi 5 baho bilan, 11 tasi 4 baho bilan, 3 tasi 3 baho bilan o’quv yilini yakunladi. 11-a sinfida 30 nafar o’quvchi o’qiydi. Shulardan 6 tasi 5 baho bilan, 20 tasi 4 baho bilan, 4 tasi 3 baho bilan o’quv yilini yakunladi. 11-b sinfida 27 nafar o’quvchi o’qiydi. Shulardan 10 tasi 5 baho bilan, 15 tasi 4 baho bilan, 2 tasi 3 baho bilan o’quv yilini yakunladi.

Sentabr oyida har bir sinf o’quvchilari bilan tanishib, avgust oyida tasdiqlangan taqvimiy ish reja asosida o’quvchilarga dars o’ta boshladim. O’quvchilarga olib boradigan to’garigim haqida malumot berib, qatnashadigan o’quvchilar ro’yxatini shakllantirdim va maktab direktoriga to’garak ish rejamni tasdiqlatdim. Shu asosda haftaning belgilangan kunlari to’garak mashg’ulotlarini olib bordim.

Oktabr oyida matematika-informatika metodbirlashma yig’ilishida qatnashdim. Yig’ilishda berilgan topshiriqlarni olib uni o’z vaqtida bajardim. Ilmiy maqola yozish uchun o’z ustimda ish olib bordim.

Noyabr oyi boshida 1-chorak yakunlandi. O’quvchilarning chorak baholarini o’z vaqtida qo’ydim. So’ngra direktor oldi pedogogik kengashda ishtirok etdim va berilgan topshiriqlarni yozib oldim. Ta’til vaqtida ham iqtidorli va bo’sh o’zlashtiruvchi o’quvchilarga topshiriqlar berib bordim. Bundan tashqari 5-b sinf o’quvchim Otajonov Og’abek va 5-b sinf o’quvchim Aliyev Saidjon KHISO o’quv markazi tamonidan tashkil qilingan online olimpiadada qatnashib sertifikat bilan taqdirlandilar.

Dekabr oyida matematika-informatika Metodbirlashma yig’ilishida qatnashdim, berilgan topshiriqlarni olib o’z vaqtida bajardim. 2-chorak kesimida dars o’tadigan sinflarimga chorak baholarini qo’ydim.

Yanvar oyida director oldi pedagogic kengashda ishtirok etdim. Berilgan topshiriqlarni olib o’z vaqtida bajardim. Ilmiy maqolam xalqaro nashriyotda chop etildi.

Fevral oyi matematika-informatika fan oyligi bo’lganligi sababli oy boshida fan oyligining ochilish tadbirida qatnashdim. 1-haftasida barcha dars o’tadigan sinflarimdan kirish testlari oldim va natijalarini metodbirlashma rahbariga berdim. 2-haftasida 9-v sinf o’quvchilari va 5-b sinf o’quvchilari bilan ochiq dars o’tkazdim. 3-haftasida maktabda bo’lib o’tgan ilmiy seminarda ishtirok qilib 9-v sinf o‘quvchilari bilan ochiq dars o’tkazdim. 4-haftasida barcha dars o’tadigan sinflarimdan chiqish testlarini oldim va natijalarni metodbirlashma rahbariga berdim. Oy oxirida 5-b sinf o’quvchilari bilan matematik kecha o’tkazdim.

Mart oyida barcha dars o’tadigan sinflarimga 3-corak baholarini qo’ydim. Ta’til muddati uzaytirilganligi sababli o’quvchilarga masofadan mashg’ulotlar berib bordim. Iqtidorli o’quvchilarim matematikadan online olimpiadalarda faol qatnashib bordilar. 11-b sinf o’quvchim Nusratov Asilbek va 11-a sinf o’quvchim Kasimov Saidmahmud, 5-b sinf o’quvchisi Sharipova Munisa online olimpiadada (retake) da ishtirok etgani uchun sertifikat bilan taqdirlandi.

Aprel oyida 2019-2020 o’quv yilining 30-mart kunidan boshlab masofaviy televizon tarzda o’tilganligi sababli men o’zim dars beradigan sinflarda dars o’tdim. Haftasiga 5-b sinfiga 5 soat matematika, 9-v sinfiga 3 soat algebra va 2 soat geometriya, 11-a sinfiga 3 soat algebra va 2 soat geometriya, 11-b sinfiga ham 3 soat algebra va 2 soat geometriya o’tdim. O’quvchilarga o’tilayotgan online darslarni to’ldirib, qo’shimchalar qilib, o’quvchilarning bilmagan tushunmagan materallarini tushuntirib, uyga vazifalarni bajarilishini nazorat qilib bordim. Jurnal ochib, har kunlik mavzu va uyga vazifalarni yozib, o’quvchilarning olgan baholarini qayd qilib bordim. O’tilgan har bir dars uchun tezislar yozdim. Yana 5-b sinf o’quvchim Sharipova Munisa ВРЕМЯ ЗНАНИИ’ online tanlovida qatnashib diplom bilan taqdirlandi.

May oyida ham online dars bo’lganligi sababli o’quvchilar bilan masofadan turib ish olib bordim. 1-may kuni bo’lib o’tgan o’qituvchilar uchun matematika fanidan online olimpiadada kumush medal diploma bilan taqdirlandim. 11-a sinf o’quvchim Kasimov Saidmahmud, 11-b sinf o’quvchilarim Nusratov Asilbek va Shukurova Gulruxsor 1-may kuni bo’lib o’tgan o’quvchilar Online olimpiadasida matematika fanidan qatnashib sertifikat bilan taqdirlandi . Oy oxirida o’quvchilarga yillik baholarini qo’ydim.