Buxoro shahar 43- umumiy o'rta ta'lim maktabi Ingliz tili fani o'qituvchisi Haitova Maqsudaning I yarim yillik Hisoboti

Buxoro shahar 43- umumiy o'rta ta'lim maktabi
Ingliz tili fani o'qituvchisi
Haitova Maqsudaning I yarim yillik
Hisoboti

2020 - 2021 o'quv yilida 4-6-7 sinflar uchun inliz tili fanidan yillik o'quv ish rejasi tuzilib maktab direktori Berdiyeva G. S. tomonidan tasdiqlandi. Ingliz tili xonasi bannerlar bilan jihozlandi. Ijtimoiy fanlar metod birlashmasi rahbarligiga tayinlandi. Metod birlashma yig'ilishlari o'tkazildi. Dars taqsimoti qilindi. 4-6-7 sinf o'quvchilariga onlayn va an'anaviy darslar o'tildi. “Happy English” nomli to'garak tuzilib, ish rejasi tasdiqlandi. O'zlashtirishi bo'sh va Iqtidorli o'quvchilar aniqlanib alohida ish reja ishlab chiqib tasdiqlandi. Ular ustida ishlar olib borildi.
Noyabr oyi ingliz tili fan oyligi bo'lganligi munosabati bilan 2-noyabr kuni ochilish marosimi bo'ldi va ushbu kunda maktab zallari ingliz tili muhitiga moslab, bannerlar va ko'rgazmali qurollar bilan bezatildi. Shu kundan e'tiboran ingliz tili fani ochiq darslariga va turli xil tanlovlariga “start” berildi. 20 - noyabr kuni 7 “A” - sinf o'quvchilari bilan birgalikda “Summer Youth Olympic Games” mavzusida ochiq dars o'tkazildi va ochiq dars hujjatlari O'IBDO' Kurbonova M.ga taqdim etildi. Fan oyligi so'ngida faol qatnashgan o'quvchilar tantanali ravishda faxriy yorliqlar bilan taqdirlandi. Fan oyligi boshlanishida va so'nggida barcha sinflardan kirish - chiqish testlari olindi.
Fan oyligi mobaynida ingliz tilida gaplashadigan mamlakatlarning mashhur binolari maketlarini tayyorlashga aloqador bo'lgan tanlov e'lon qilindi va o'quvchilardan turli xil maketlar qabul qilindi. Taqdim etilgan maketlar orasidan eng yaxshi maketni tanlash uchun maktab o'quvchilari va o'qituvchilaridan maslahat so'ralib, 1, 2, va 3 - o'rinlar aniqlandi, g'oliblarga faxriy yorliqlar berildi. Keyingi tanlov “Short term goals and long term goals” mavzusida video roliklar tanlovi e'lon qilindi, tanlovda o'quvchilar faol qatnashdi va g'olib o'quvchi Bahodirova Regina maqtov yorlig'i bilan rag'batlantirildi.
Dekabr oyida o'quvchilarning ingliz tilini eshitib, tushinish qobiliyatini oshirish maqsadida ingliz tilidagi “The Secret Life of Pets” nomli multfilmi qo'yib berildi va o'quvchilardan ushbu multfilm haqida qisqacha xulosa yozib berish so'raldi. II chorak oxirida 4 - 6 - 7 - sinf o'quvchilarining umumiy ballari hisoblanib, chorak baholari chiqarildi va ushbu baholar o'quvchilarga o'qib eshitirildi.
23 - dekabr kuni “bonus salary” uchun “CEFR for teachers” imtihoniga qatnashdim.
Har oyda o'qituvchilarning an'anaviy va ochiq darslarida ishtirok etib, ularni tahlil qildim va ulardan yangi dars o'tish metodlarini o'rgandim.