Buxoro oziq-ovqat va yengil sanoat texnologiyasi

8. Yormalash va saralash jarayonlari. 
Don va mahsulotlarni maydalash to`rtta yormalash sistemasida bajariladi. 
Uchinchi va to`rtinchi yormalash sistemalari (III yo.s. va IV yo.s.) yirik va 
mayda mahsulotlarni maydalash uchun ikkiga bo`linadi. Hammasi bo`lib 
oltita maydalash sistemasi qo`llaniladi. 
Ikkinchi yormalash sistemasidan keyin mahsulotlarni yirik va mayda 
fraktsiyalarga bo`lishdan maqsad - yirik fraktsiyada endosperm miqdori kam 
bo`ladi. SHuning uchun III yirik yormalash sistemasining qoldiq mahsuloti 
sidiruvchi mashinaga yuboriladi. 
Birinchi uchta yormalash sistemalaridan endosperm massasining asosiy 
qismi kam kuldorli mahsulot sifatida ajratib olinadi. Bu mahsulotlarni ajratib 
olish miqdori 78...80 % dan kam bo`lmasligi kerak. SHundan yirik 
yormachaning miqdori 18...20 %, o`rtacha yormachaning miqdori 22...24 %, 
mayda yormachaning miqdori 13...15 %, dunstlar miqdori 12...14% va 
unning miqdori 13...15% ni tashkil qiladi. SHunday qilib, tayyorlov 
bo`limidan kelgan don massasidan ajratib olingan Yormacha va dunstlarning 
miqdori 65 % ni tashkil qilishi kerak. 
Bu mahsulotlar asosiy qimmatga egadirlar. Dunstlar va qisman mayda 
yormachalar yanchish jarayoniga yuboriladi, yirik va o`rtacha yormachalar 
alohida yiriklik fraktsiyasi bo`yicha havoli-g’alvirli mashinalarda boyitiladi. 
9. Boyitish va silliqlash jarayoni. 
Boyitish jarayonida yormachalar alohida yiriklik fraktsiyasi bo`yicha 
havoli-g’alvirli mashinalarda elak va havo oqimi yordamida boyitiladi. 
Havoli-g’alvirli mashinalarda elaklar kelayotgan yormachaning yirikligidan 
kelib chiqqan holda tanlanadi. Havoli-g’alvirli mashinalardan keyingi 
mahsulot sifati bo`yicha taqsimlanadi: juda ko`p miqdorda qobiqlari bo`lgan 
yormachalar III va IV yormalash sistemalariga qaytarib yuboriladi; en-
dospermda qisman qobig’i bo`lgan yormachalar qo`shimcha ishlov berish 
uchun silliqlash jarayoniga yuboriladi; boyitilgan yormachalar birinchi 
yanchish sistemalariga yuboriladi. 
Silliqlash sistemalariga kelayotgan yormachalarni maydalash shunday 
rejimlarda olib boriladiki, bunda endosperm qismi maydalanadi, qobiqlar 
maydalanmasdan butun holida qoladi.