Buxoro oziq-ovqat va yengil sanoat texnologiyasi instituti «tarmoq mashina va jihozlari»

"Dyurkopp" firmasining 558-1303/EII/22 halqa yo’rmash yarimavtomati.

558-1303/EII/22 yarimavtomati trikotaj materiallardan tayyorlanadigan kiyimlarga zanjirsimon baxyasi bilan halqa yo’rmash uchun xizmat qiladi. Tikish tezligi 1860 baxya minutiga tikiladigan gazlama kengligi 12 mm. Yarim avtomat igna (112-rasm), chalishtirgich, materialni ustdan va ostdan surish mexanizmlaridan, hamda ipni qirqish qurilmasi, kulachokli boshqarish sistemalaridan tuzilgan.

112-rasm. "Dyurkopp" firmasining 558-1303/EII/22 halqa yo’rmash yarim avtomati.

Materialni ustdan qisib turuvchi rama 1 (113-rasm,a) material 2 qalinligiga qarab avtomatik moslanadi. Turli ko’rinishdagi halqalarni yo’rmashda ikkita boshqaruvchi eksstentriklar almashtiriladi. Ustki eksstentrik 1 (113-rasm,b) halqa ko’zining shaklini belgilaydi, ostki eksstentrik 2 yordamida esa halqa uzunligi va puxtalash shakli o’zgartiriladi. Mashinadagi barcha mexanizm va qir- qimlarning texnologik va texnikaviy parametrlari optimallashtirilganligi mashinaning shovqinsiz va titrashsiz ishlashini ta’minlaydi. Igna ipini taranglash qurilmasi ipning to’g`ri uzatilishini va baxya sifatini ta’minlaydi.

113-rasm. "Dyurkopp" firmasining 558-1303/EII/22 halqa yo’rmash yarim avtomatining qurilmalari.

Ignaga (113 -rasm,v) ipni taqish uchun g`altakdan chiqarilgan ip mashina ustki qismiga o’rnatilgan sterjen uchta teshigidan birin-ketin o’tkazilib, taranglash qurilmasi 1 shaybalari orasidan aylantirib, burganlik 2 teshigidan, keyin sterjen 3 ning yuqorigi teshigidan olib o’tiladi. So’ngra ip ipyo’naltirgich 4 teshigidan, iptortish qurilmasi 5 plastinalari orasidan, tortish prujinasi 6 ilgagidan o’tkazilib, igna yuritgich teshigi orqasi igna ko’ziga taqiladi.

3. "Pfaff" (Germaniya) firmasining 3306-7/20-966/11 tugma qadash avtomati.

3306-7/20-966/11 avtomati kostyum va paltolarga ikki va to’rt tishli yassi tugmalarni ikki ipli moki baxyasi bilan qadashga mo’ljallangan. Bosh valning aylanishlar soni 1800 min. Tugmalar yigirma marta igna sanchilganda qadaladi.

Mashinada krivoship-shatunli igna (114-rasm) mexanizmi bor, ip uzatkich igna yuritkich orqali harakatlanadi, notekis aylanadigan chalishtirgich tebranma chetlatkich bilan ta’minlangan, tugmalar bilan material platformaning bo’ylamasiga suriladi, lekin igna vertikal surilishdan tashqari mashina platformasining ko’ndalangiga ham suriladi. Ip qirqish mexanizmi bor.

114-rasm. 3306-7/20-966/11 tugma qadash yarim avtomati

Tugma qadash. Tugma 1 ni tepki bilan tugma tutkich 2 tiragi orasiga o’rnatib material 3 tepki tagiga qo’yiladi. Pedal bosilganda tugma tutkich bilan ekran pastga tushadi, igna mashina platformasining ko’ndalangiga og`ib, tugmani uning ikkita uzoqdagi teshigidan qadaydi (115-rasm). Ignaning puxtalovchi 10-sanchilishidan keyin tugma bilan material tikuvchidan nariga tomon suriladi. Igna yana mashina

115-rasm. Tugma qadash jarayoni.

platformasiga ko’ndalang og`ib, tugmani yaqindagi ikkita teshigidan qadaydi. Ignaning yana puxtalovchi 20-sanchilishidan keyin mashina avtomatik to’xtaydi, ip mashina platformasi tagida qirqiladi. Tugma tutkich va ekran ko’tariladi.

4.