Buxoro oziq-ovqat va yengil sanoat texnologiyasi instituti «tarmoq mashina va jihozlari»

LK-981-555/BR-2 (Yaponiyaning "Juki" firmasi) tugma qadash yarimavtomati.

Bu yarimavtomatik mashina kiyimlarga ustki tugmalarini ikki ipli baxya bilan qadashga mo’ljallangan.
Bosh valining aylanishlar soni 2000 ayl/min. 10-20 mm. li ikki teshikli tugmalarni 9 ta baxya bilan to’rt teshikli tugmalarni esa 18 ta baxya bilan qadaydi. Tugmani qisuvchi detal ko’tarilish balandligi - 13 mm gacha, igna yuritgichi harakat yo’li-45,7 mm, bitta tugma qadash davri-1,6 sek, DRx17=14 ignalar qo’llaniladi.
Mashinada krivoship shatunli igna, sharnir tipidagi iptortgich, markaziy naychali moki, ipni avtomatik qirquvchi pichoq va tugmani ko’tarish mexanizmlaridan tuzilgan. Avtomatik moylash va planetar sharikli to’xtatish sistemalari mavjud. Bu mashinada quyidagi shakldagi tugmalarni qadash mumkin (116-rasm).

116-rasm.LK-981-555/BR-2 tugma qadash yarim avtomatining tashqi ko’rinishi.
Tugmani ko’tarish mexanizmi ishlov berilayotgan kiyim va tugma orasidagi kerakli oraliqni ta’minlaydi, ya’ni tugmani halqa orqali qulay o’tish imkonini beradi.
Quyidagi sxemada tugma qadash jarayonida ko’tarish shtifti joylashishi ko’rsatilgan. Tugma qadab bo’lingandan keyin tugmani qisish moslamasi igna plastinkasi sathidan ko’tarilib, kiyim siljitiladi.

117-rasm. Tugma bilan ta’minlagich ko’rinishi

Tugmalar ketma-ket (117-rasm) tarzda ta’minlagichdan yo’naltiruvchi plastinasidan selektor plastinkasi orqali to’ldiruvchi plastinkaga yuboriladi va undan yo’naltirgichlar orqali uzatuvchi moslamaga tushadi.

5. "Dyurkopp" firmasining 541-15105 yarimavtomatik tikuv mashinasi.

541-15105 rusumli yarimavtomatik tikuv mashinasi kostyum va ko’ylaklarning yon qirqimlarini, eng qirqimlarini biriktirib tikishga va boshqa kiyimlarning stilindrik shakldagi detallarni moki baxyasini yuritib tikishga mo’ljallangan. Asosiy valining aylanishlar soni 2000 min., baxyasining yirikligini 0 dan 4 mm gacha o’zgartirish mumkin. Mashina krivoship-polzunli igna, krivoship-koromisloli ip tortkich, vertikal o’rnatilgan moki va gazlamani surish mexanizmlaridan tuzilgan. Bu mashinada solqi hosil qilib tikish imkoni bor. Kodlashtirilgan ajratgich yordamida materialni ustdan surilishini

o’zgartirish mumkin. Agar tikilayotgan material qalinligi o’rnatilgan qalinlikdan oshganda chokni bo’shatish qurilmasi ustki ipni ortiqroq uzatib beradi.
Ustki ipni taqish uchun ipni bobinadan yoki g`altakdan chiqarib, skoba (118-rasm) 11 ning ip yo’naltirgich teshigidan qo’shimcha taranglash rostlagichi 10 ning shaybalari va asosiy taranglash rostlagichi 9 ning shaybalari orasidan o’tkaziladi va pastga rostlagich 8 ning shaybalari orasidan o’tkazilib, ip tortish prujinasi 7 tagidan o’taladi. So’ng ipni pastdan yuqoriga ip yo’naltirish plastinasi 6 ning tagiga o’tkaziladi, o’ngdan chapga ip tortkich 5 ning qulog`iga kiritiladi, yuqoridan pastga yo’naltirish plastinasi 4 ning tagidan o’tkazilib, ikkinchi ip yo’naltirish plastinasi 3 ning tagidan, igna tutkich 2 ning teshigidan o’tkaziladi va chapdan o’ngga igna 1 ning ko’ziga taqiladi.

118-rasm. 541-15105 rusumli tikuv mashinasi tashqi ko’rinishi

Iplarni taqib va chalafabrikatlarni mashina ustiga joylab bo’lgandan so’ng, pedalni oyoq bilan bosib mashina ishga tushiriladi. Mashinalarida solqi hosil qilish uchun tikuvchi ikkinchi pedalni bosadi va tepki 12 ko’tarilganda reyka eng materialini yirik baxya uzunligida suradi; tikuvchi pedaldan oyog`ini olganda, reykalar materiallarni bir xilda bir baxya bo’yi suradi.

6.