Buxoro oziq-ovqat va yengil sanoat texnologiyasi instituti «tarmoq mashina va jihozlari»

"Zinger" firmasining 302-4-206-A rusumli ikki ignali tikuv

mashinasi.
302-4-206 A tikuv mashinasi erkaklar jinsi shimlari va qalin materiallardan tayyorlanadigan kiyim detallari paralel ikki ipli zanjirsimon baxyaqator yuritib tikishga mo’ljallangan. Asosiy valining aylanishlar soni 4500 min^-1 baxya uzunligi 6,4 mm. Tepkisining ko’tarish balandligi 8 mm ignalar harakat yo’li 31,7 mm. "Zinger" firmasining 3260-01 ignalari qo’llaniladi.
Mashinada krivoship shatunli igna mexanizmi, murakkab fazoviy harakatlanuvchi ikkita chalishtirgich va reyka tipidagi materiallarni surish mexanizmlari bor.
Chapki ignalarga (85- rasm) ustki igna taqishini ko’rib chiqamiz. ¶altakdan ip ipyo’naltirgich teshiklaridan o’tkaziladi, taranglash rostlagichi shaybalari orasidan pastdan yuqoriga aylantirilib, mashina tanasiga o’rnatilgan yo’naltirgich 3 ning ketingi teshigiga kiritiladi.
So’ngra ip ip uzatgichning teshigidan, yuqoridan pastga igna tutgichning chap teshigidan o’tkazib old tomondan igna 5 ning ko’ziga taqaladi.
Ostki ip g`altakdan yo’naltirgich plastinalari orqali ip yo’- naltirgich teshiklaridan taranglash rostlagichi 1 shaybalari orasidan aylantiriladi va mashina ostki qismining yon tomoniga o’rnatilgan sterjen 2 teshiklaridan, so’ngra ip yo’naltirgich plastinasi 3 teshiklaridan olib o’tiladi. Keyin o’ngdan chapga ip yo’naltirgichning teshiklaridan va chalishtirgich 4 teshiklaridan o’tkaziladi. Ostki ip taqilgandan so’ng qopqoq yopib qo’yiladi.

85. 
    rasm."Zinger" firmasining 302-4-206-A rusumli ikki ignali tikuv mashinasining tashqi ko’rinishi
    

Baxya yirikligi dastak 5 yordamida o’zgartiriladi. Tepkining bosimi va ko’tarish balandligi to’g`ri baxyaqatorli mashinalaridek bajariladi.

Nazorat savollari.

1. 
   Tikuvchilik sanoatida bir ipli zanjirsimon bahyaqatorlar qaysi ishlarda qo’llaniladi?
   
2. 
   Ikki ipli zanjirsimon bahyaqator hosil bo’lish jarayonida qaysi ishchi organlar ishtirok etadi?
   
3. 
   1622 rusumli ("Orsha" firmasi) tikuv mashinasi nusxalama bahyaqator qanday hosil qilinadi?
   
4. 
   1622 rusumli ("Orsha" firmasi) tikuv mashinasida tebranma chalishtirgichlarning vazifasi nimada?
   
5. 
   3076-1 (Rossiya) rusumli tikuv mashinasida ustki ip qanday taqiladi?
   
6. 
   "Zarif" (O’zbekiston) tikuv mashinasida ikki ipli zanjirsimon bahya qanday hosil qilinadi?
   
7. 
   "Zarif" tikuv mashinasida hosil qilinadigan ikki ipli zanjirsimon bahyaning xususiyatlari nimada?