Buxoro oziq ovqat va yengil sanoat texnologiya instituti

Vakolat  va  majburiyat  tamoyili  boshqaruvning  ratsional,  aniq  va  yo`lga  qo`yilgan 

tashkiliy  tizimini  yaratish,  lavozimlarga  oid  yo`riqnoma  hamda  rahbar  va  mutaxassislarning 

huquq  va  burchlari  to`g’risidagi  hujjatlarni  ishlab  chiqish,  bajarilgan  ish  uchun  moddiy 

javobgarlikni  belgilash,  buyruq  va  ko`rsatmalarni  o`z  vaqtida  tayyorlashni  anglatadi.  Har  bir 

lavozim  egasi  -  bo`lim  yoki  xizmat  boshlig’idan,  to  korxona  rahbarigacha  -  boshqaruv 

faoliyatidagi o`z vakolatlarini yashirmasligi va majburiyatlarini kamaytirmasligi - boshqalarning, 

ya`ni unga bo`ysunuvchi shaxslarning zimmasiga yuklamasligi lozim.  

Yuqorida  ko`rsatilgan  tamoyillar  ham  alohida,  ham  birgalikda  boshqaruv  tizimining 

ishonchliligiga  va  korxona  rahbari  hamda  har  bir  boshqaruv  tuzilmasining  obro`ini  o`stirishga 

xizmat qilishi  lozim. Bundan tashqari, ular doimiy ravishda  mukammallashtirib  borilishi  hamda 

zamon  ruhi  va  xo`jalik  yuritish  mexanizmi  talablariga  javob  beruvchi  yangi  tamoyillar  bilan 

to`ldirilishi  zarur.  Bu  esa  boshqaruv  tizimi  va  jarayonlarining  yangi  shakl  va  usullarini 

rivojlantirishga imkon yaratadi.