Buxoro muhandislik-texnologiya instituti «yengil sanoat texnologiyalari va jihozlari» kafedrasi

Mustaqil ishlar bo’yicha ko’rsatma va tavsiyalar

“Kostyum kompozistiyasi va tarixi” bo’yicha talabaning mustaqil ta’limi shu fanni o’rganish jarayonining tarkibiy qismi bo’lib, uslubiy va axborot resurslari bilan ta’minlangan.Axborot resurs markazida talaba uchun qo’shimcha ma’lumotlar bazasi mavjud. Talabalar laboratoriya mashg’ulotlarini bajaradilar. Auditoriyadan tashqarida talaba darslarga tayyorlanadi, uy vazifa sifatida berilgan topshiriqlarni bajaradilar. Bundan tashqari ayrim mavzularni kengroq o’rganish maqsadida qo’shimcha adabiyotlarni o’qib taqdimotlar, referatlar tayyorlaydi. Mustaqil ta’lim natijalari reyting tizimi asosida baholanadi. Uyga vazifalarni bajarish, qo’shimcha darslik va adabiyotlardan yangi bilimlarni mustaqil o’rganish, kerakli ma’lumotlarni izlash va ularni topish yo’llarini aniqlash, internet tarmoqdaridan foydalanib ma’lumotlar to’plash va ilmiy izlanishlar olib borish, ustoz-shogird tizimida yoki mustaqil ravishda ilmiy manbalardan foydalanib ilmiy maqola va ma’ruzalar tayyorlash kabilar talabalarning darsda olgan bilimlarini chuqurlashtiradi, ularning mustaqil fikrlash va ijodiy qobiliyatini rivojlantiradi. Shuning uchun xam mustaqil ta’limsiz o’quv faoliyati samarali bo’lishi mumkin emas. Uy vazifalarini tekshirish va baholash va eskizlar sifati, darslarni o’zlashtirish darajasini tekshirish, laboratoriya ishi olib boruvchi o’qituvchi tomonidan har darsda amalga oshiriladi . “Kostyum kompozistiyasi va tarixi” fanidan mustaqil ish majmuasi fanning barcha mavzularini kamrab olgan va quyidagi ko’rinishda shakllantirilgan.Talaba ixtiyoriy ravishda guruhdagi talabalar, kichik guruhlarga bo’linib, tarixiy kostyumlar namunasini tikib topshirishsa ,ularning tikuvchilik bilim va saviyalarini yanada oshirishga xizmat qiladi. Talaba tarixiy kostyumni tikish jarayonida uni chuqur o’rganadi, bu esa uning jahon dizaynerlarini ishini o’rganishida yordam beradi. Kelajakda o’zining shaxsiy kollekstiyalarini yaratishida zamin, poydevor bo’lib xizmat qiladi.