Buxoro muhandislik texnologiya instituti

Kirish
O’zbekiston Respublikasi "Kadrlar tayyorlash milliy dasturi" va "Ta'lim to’g’risidagi" qonunlarni muvaffaqiyatli amalga oshirishda zamonaviy pedagogik texnologiyalarining o’rni beqiyosdir. Jumladan, fanlarni o’zlashtirishda va bo’lajak mutaxasissni zamon talabida tayyorlashda mustaqil ishlarni bajarish sifati juda ham muhim.
Mazkur uslubiy ko’rsatma O’zbekiston Respublikasi Vazirlar Mahkamasining 2011 yil 16 avgustdagi Oliy ta'limning davlat ta'lim standartlarini tasdiqlash to’g’risidagi 343-son qaroriga, O’zbekiston Respublikasi Oliy va o’rta maxsus ta'lim vazirligining 2005 yil 21-fevraldagi «Talaba mustaqil ishini tashkil etish to’g’risidagi» 43-sonli buyruqi hamda Buxoro muhandislik-texnologiya institutining buyrug’iga muvofiq tuzilgan.
Mazkur uslubiy ko’rsatmada talabalarni «Muhandislik ishida axborot texnologiyalari» fanini o’zlashtirishda mustaqil ishlarni tashkillashtirish, ularning tarkibi va mazmuni, bajarish va yakunlanishi tartibi to’g’risida ma'lumotlar berilgan.
Muhandislik ishida axborot texnologiyalari - fani 1,2-semestrlarda o’qitiladi. Fanga 150 soat mustaqil ish ajratilgan.
Mazkur uslubiy ko’rsatmada talabalarning mustaqil o’quv faoliyatini tashkillashtirishning uslublari va vositalari ochib berilgan: grafik tashkil etuvchilar,
qo’shma va o’zaro o’quv texnikasi, mavzular faoliyati. Ilmiy adabiyotlarni o’qish, ma'lumotlarni og’zaki taqdim etish, amaliyot holatlarni tahlil qilish va yechish bo’yicha tavsiyalar berilgan.