Buxoro davlat universiteti tairova m. M. Giyazova n. B. Hamidov m. E. Korxona iqtisodiyoti

 

 

 

 

Mavzu: KORXONANING AYLANMA MABLAG’LARI 

Korxonalar  ishlab  chiqarish  faoliyatini  tashkil  qilishda  mehnat  qurollari 

(asosiy  fondlar)  va  ishchi  kuchidan  tashqari,  aylanma  mablag‘larga  ham  ega 

bo‘lishlari  zarur.  Aylanma  mablag‘lar  ishlab  chiqarishning  aylanma  fondlari  va 

muomala  fondlarini  tashkil  qilishga  mo‘ljallangan  pul  mablag‘laridan  iborat. 

Aylanma  mablag‘lar,  qoidaga  ko‘ra,  korxonaning  hisob  raqamida  naqd  pul 

ko‘rinishida  jamg‘ariladi.  Har  bir  korxonaning  aylanma  mablag‘lari  asosiy 

fondlarning  texnik  holati  va  mahsulot  ishlab  chiqarish  dasturi  bilan  bog‘liq. 

Korxona  qanchalik  katta  va  uning  ishlab  chiqarayotgan  mahsulotlari  turlari  ko‘p 

bo‘lsa,  aylanma  mablag‘lar  shunchalik  ko‘p  talab  qilinadi.  Aylanma  mablag‘lar 

ishlab chiqarish va uning uzluksizligini ta'minlashning moddiy asosi hisoblanadi.