Buxoro davlat universiteti psixologiya kafedrasi

Menyer kasalligi Bu kasallik, asosan, ichki quloq kasallanishini ko‘rsatadigan unga xos klinik simptomlar bilan yuzaga chiqadigan mustaqil nozologik shakl hisoblanadi . Menyer kasalligining paydo bo‘lishiga stress, infeksiya, allergiya, autoimmune patologiya sabab bo’lishi mumkin. Biroq u hech qanday sababsiz ham paydo bo’ladi. Menyer kasalligiga endolimfani perilimfadan ajratib turadigan membrananing yirtilishi oqibatida labirintning qaytalanuvchan shishi sabab bo’lib xizmat qiladi.
Kasallik asta-sekin yoki to'satdan boshlanadi. Bir necha minutdan 12-24 soatgacha takroriy system bosh aylanishi epizodlari, eshitishning pasayishi, quloqda taranglik va shovqin sezish, ko'ngil aynishi va qusish bilan yuzaga chiqadi, xurujlar bir yil, oy, haftada bir martadan kuniga bir necha martagacha kuzatiladi. Bir necha minut ichida bosh aylanishi eng yuqori cho'qqisiga chiqadi va asta sekin bir necha soat ichida o'tib ketadi. Aylanish remissiya bilan almashinadi.
Muvozanat buzilishi xuruj vaqtida kuchliroq, xurujdan tashqari vaqtda esa kuchsizroq, xurujlararo davrdagi ilk bosqichda bemorlar amalda sog'lom bo'lib, mehnat layoqatini yo'qotmaydi. Kasallik rivojlanib borgan sayin remissiya davrlari qisqaradi, endi ahvol to'liq yaxshilanmaydi. Avjlanish vaqtida bemorlar qattiq tovushlar, kuchli yorug'lik, ko'z oldidagi narsalaming yaltillashidan qochib, muayyan holatni egallashga urinadilar. Xurujlar har qanday vaqtda tutib qolishi mumkin , biroq ularning yil fasli, elektromagnit to'lqinlari bilan quyosh aktivligi, shuningdek, sutkadagi vaqt bilan bog'liqligi aniq sezilib turadi. Bosh aylanishi xurujlarida yaqqol ko'rinadigan vegetative buzilishlar (ko'ngil aynash, qusish, ko'p terlash, arterial bosimning o'zgarishi, gip o- , giper-, normotoniya) rivojlanadi . Aksariyat yurak urib ketishi, yurakdagi og'riq, ich kelishi va peshob ajralishining buzilishlari paydo bo'ladi. Ko'pincha, xuruj chog'ida yoki undan keyin bosh og'rig'I paydo bo'ladi. Xurujlardan oldin aksariyat muayyan belgilar (shovqin kuchayishi-aura, burun bitib qolishi, muvozanat buzilishi va b.) paydo bo'ladi. Eshituv buzilishlari amalda kasallik boshlangan paytdanoq paydo bo‘ladi , kasallikning ilk bosqichlarida to ‘liq regressiyalanadi, so‘ngra esa qaytmas bo‘lib qoladi. Kasallik boshlanishida o‘ziga xos audiologik gorizontal yoki yuqoriga ko‘tariladigan egri chiziqli FU NG borligi qayd qilinadi.
Patologiya rivojlangan sayin og'irquloqlik avj oladi, audiologik egri chiziq gorizontal pastga tushadigan xarakter kasb etadi, odatda, past va kamroq o'rta chastotalar zonasida suyak-havo intervali paydo bo’ladi, kasallikning ilk davrlarida eshitishning buzilishi bir tomonlama, kasallik dinamikasida (5-10 yil va undan ko'proq o'tgach) patologik jarayonga boshqa quloq ham tortiladi. Eshitishning ikkita turli chastotalarda 10 dB dan ko'pga pasayishi qayd qilinadi, to'liq garanglik xarakterli emas. Menyer kasalligi xurujidan keyin bir necha kun mobaynida muvozanatning buzilishi yuz berishi mumkin. Kasallikning dastlabki xurujlari alohida system bosh aylanishida namoyon bo'ladi.