Material fakturasi, erkaklar uchun «oliy pilotaj», bir-birini to’ldiradigan
konservativ, xizmat uchun kiyiladigan kostyum katak sport ko’ylagi bilan umuman
qovushmaydi. Keng yoqali kostyum bilan ingichka galstuk ham qo’pol ko’rinadi.
kostyum, oq ko’ylak va to’q qizil galstuk yaxshi didni anglatadi.. SHuning uchun bir
xil tusdagi kostyum ishbilarmon odam kiyimining asosiy elementi hisoblanadi.
Bunday kostyumga ko’ylak va galstukni istagancha variatsiya qilish mumkin. Bir xil
tusli kostyum mavzusiga variatsiya (turli juz’iy o’zgarishlar). Bir xil tusli
kostyumga har qanday gulli ko’ylak mos keladi. Agar bunga bir xil tusli galstuk
ham qo’shilsa, eng ajoyib mutanosiblik vujudga keladi: bir xil tus-gulli-bir xil tus.
SHuni esdan chiqarmaslik kerakki, bir xil gullar hech qachon mos kelmaydi, ularni
har doim bir xil tus bilan ajratish kerak. M: bir xil tusli kulrang kostyum, tuq qizil
yo’lli och rang ko’ylak, bir xil tusli kulrang galstuk eng yaxshi mutanosiblikdir.
Yoki kulrang kostyum, moviy rang ko’ylak va to’q qizil galstuk. Demak. Bir hil
46
Yo’l-yo’l chiziqli kostyum bilan faqat bir xil tusli havo rang yoki oq ko’ylak
kiyish mumkin.
Yo’l-yo’l chiziqli kostyum bilan yo’l-yo’l izli ko’ylak mos kelmaydi, bunday
kostyum va bir hil tusli ko’ylakka no’xat, rombik, uch burchak gulli galstuklar mos
keladi. Katak kostyumga ko’ylak va galstuk tanlash juda murakkab. Bunday
kostyumga faqat bir xil tusli ko’ylak, rasmlari aniq yo’nalishli bo’lmagan bir hil
rangli galstuk mos keladi. Ish uchun hech qachon yorqin rangli kiyim tanlamang,
chunki u diqqatni o’ziga jalb qiladi. Galstukning uzunligi taqilgan holatda kamar
darajasida bo’lishi lozim. Galstukning eng yaxshi materiali ipak, jun va ip.
Galstuk tanlashga qiynalsangiz yaxshisi bir xil tusli galstuk oling, u har
qanday ko’ylak va kostyumga mos tushaveradi. No’xat gulli, to’q aniq diagonal
chiziqli galstuklar ham yaxshi ko’rinadi. Hech qachon har hil emblemali, ramzli,
san’at asari tasviri tushirilgan, gazeta tekstlari yozilgan galstuk tanlamang.
Kostyum sotib olmoqchi bo’lsangiz bisotingizdagi eng yaxshi kostyum,
ko’ylak va galstukda boring. SHunda sotuvchi sizga yordam beradi. O’lchovni
shimdan boshlang. SHimni tufliga o’lchanadi. Yangi shimning cho’ntagiga odatda
cho’ntagingizda nima olib yursangiz hammasini soling. SHimning kamari oldida
baland, orqada past bo’lmasligi kerak. SHimning belining kengligi kaft bemalol
kirib chiqish darajasida bo’lishi kerak. Manjetsiz shimning etagining orqasi oldiga
nisbatan 1,5-2 sm uzun bo’ladi, manjetligi pol bilan parallel turadi. Pidjakda eng
muhimi uning ichida o’zingizni qanday his qilishingiz. O’tirib, turib, yurib ko’ring.
Uzunligi qo’lingizni tushirib barmoqlaringizni siqqaningizda etagi barmoqlar
ichida qolarli darajada bo’lishi lozim. Yengining uzunligi katta barmoq uchidan 12-
13 sm tepada bo’lishi kerak. Ko’ylak belingiz atrofida qatlanmasligi, shishib
qolmasligi, kamar tagidan chiqib ketmasligi kerak. Baland bo’yli va to’la erkaklar
uchun ko’ylakning pastki tugmasi kamardan 8sm pastda bo’lishi shart, shunday
bo’lmasa o’zingiz tugma qadab oling, bo’lmasa noqulay ahvolga tushib qolishingiz
mumkin. Ko’ylakning yengi 1 sm pidjak yengidan chiqib turishi kerak. Agar har
doim yaxshi taassurot uyg’otmokchi bo’lsangiz unda: bir hil tusli kostyumlarni,
kulrang yoki och xavo rang ko’ylak va to’q qizil galstuk bilan; sutrang kostyum va
ko’k ko’ylak; to’q xavo rang kostyum va och rang kuylak; sutrang va uncha yorqin
bo’lmagan jigarrang tusli katak kostyumlar kiying. Aloxida ajralib turadigan, o’ta
yorqin kiyimlar, qora kostyumni oq ko’ylak bilan kiymang.
Ko’pchilik oldida so’zga chiqmokchi bo’lsangiz to’q ko’k yoki to’q kulrang
kostyum, albatta bir hil tusli, oq yoki och rang ko’ylak va galstukni kostyum rangiga
moslab tanlang. Iloji bo’lsa orqangizda nimalar bo’lishini oldindan o’rganing. Siz
odamlar diqqatini boshqarishingiz kerak. Mikrofonni to’g’rilab oling. Televideniega
chiqish uchun hech qachon yo’l-yo’l izli kostyum, oq ko’ylak kiymang va mayda
gulli galstuk taqmang.
Do'stlaringiz bilan baham: 
