Buxoro davlat universiteti pedagogika kafedrasi

I O‘quv fanining dolzarbligi va oliy kasbiy ta’limdagi o’rni.
Ushbu fan maktabgacha va kichik maktab yoshidagi bolalarning til ta’limini tashkil etishning nazariy va amaliy asoslari, bolalarning ma’naviy, jismoniy, aqliy – ahloqiy, iqtisodiy, huquqiy, ekologik ta’limini amalga oshirishning metod va vositalari kabi masalalarni qamrab oladi. O‘zbekistonda maktabgacha va boshlang‘ich ta’limni tashkil etishning asosiy xususiyatlari, yuqori malakali rahbar, metodist-nazoratchi, boshlang‘ich ta’lim o‘qituvchisi va tarbiyachilarni tayyorlash vazifalari, metodlari, xalq ta’limi bo‘limining asosiy vazifalari, metodik rahbarlik qilish tamoyillari bilan qurollantiradi.
“Bolalar pedagogikasi” fani ixtisoslik fanlari blokiga kiritilgan kurs hisoblanib, 3-kursda o‘qitilishi maqsadga muvofiq. “Bolalar pedagogikasi” fani ixtisoslik fanlari turkumiga kiradi va maktabgacha va boshlang‘ich ta’limda xorijiy til (ingliz tili) bakalavriat ta’lim yo‘nalishida o‘qitiladi.
II. O‘quv fanining maqsadi va vazifalari
Fanni o‘qitishdan maqsad – bo‘lajak maktabgacha va boshlang‘ich chet tili o‘qituvchilarni ta’lim-tarbiya qonuniyatlari, shuningdek, maktabgacha ta’limga qo‘yiladigan talablar, uning tamoyillari, mazmuni, pedagogik asoslari bilan yaqindan tanishtirishdan iborat.
Ushbu maqsadga erishish uchun fan talabalarni nazariy bilimlar, amaliy ko‘nikmalalar, pedagogik hodisa va jarayonlarga uslubiy yondashuv hamda ilmiy dunyoqarashini shakllantirish vazifalarini bajaradi.
Fan bo‘yicha talabalarning bilim, ko‘nikma va malakalariga quyidagi talablar qo‘yiladi.
Talaba:
– maktabgacha va boshlang‘ich ta’limning ta’lim tizimida tutgan o‘rni, maktabgacha va boshlang‘ich ta’lim tizimida til ta’limini tashkil etish, maktabgacha va boshlang‘ich pedagogika tarixi, O‘zbekiston Respublikasida maktabgacha ta’lim muassasalari, tarbiyachi va boshlang‘ich ta’lim o‘qituvchisining kasbiy faoliyati va unga qo‘yiladigan talablar to‘g‘risida tasavvurga ega bo‘lishi;(bilim)
– maktabgacha va boshlang‘ich pedagogikaning nazariy va amaliy bilimlarini egallash, maktabgacha ta’lim muassasalari tarbiyalanuvchilari va boshlang‘ich sinf o‘quvchilariga aqliy, ahloqiy, jismoniy va estetik tarbiya berish, ilg‘or pedagogik texnologiyalar xususiyatlarini bilishi va ulardan foydalana olishi;(ko‘nikma) – maktabgacha va boshlang‘ich ta’limning asosiy prinsiplari, maktabgacha va boshlang‘ich ta’limga qo‘yiladigan asosiy talablar, maktabgacha va kichik yoshdagi bolalarni chet tillariga o‘qitish, bolalarni maktab ta’limiga tayyorlash, maktabgacha muassasalarini tashkil etish va unga rahbarlik qilish muammolari bo‘yicha yechimlar qabul qilish ko‘nikmalariga ega bo‘lishi kerak.