Buxoro davlat universiteti iqtisodiyot va turizm fakulteti servis sohasi iqtisodiyoti kafedrasi

Kurs ishi mavzusining dolzarbligi: Muhtaram Prezidentimizning 2016 yil 2 dekabrdagi "Oʻzbekiston Respublikasining turizm sohasini jadal rivojlantirishni taʼminlash chora-tadbirlari toʻgʻrisida"gi farmoniga muvofiq, sayyohlik mamlakat iqtisodiyotining strategik tarmogʻi sifatida belgilangan edi. Davlat rahbarining 2017 yil 16 avgustdagi qarori bilan 2018-2019 yillarda turizm sohasini rivojlantirish boʻyicha birinchi navbatdagi chora-tadbirlar dasturi tasdiqlandi.
Joriy yil fevral oyining oʻzida Mirziyoyevning shu sohaga doir 4 ta muhim hujjati qabul qilindi. Ushbu hujjatlar bilan sohada yigʻilib qolgan muammolarni hal etish, turizm salohiyatini oshirish boʻyicha ustuvor vazifalar belgilandi, ichki turizmni yanada rivojlantirishga koʻplab imtiyozlar, yengilliklar berildi.
Turizmni rivojlantirish davlat qoʻmitasi va uning mintaqaviy tuzilmalari shtat birliklari oshirilgani, hududlarda turizm departamentlari va boshqarmalari, hokim oʻrinbosarlari lavozimlari tashkil etilgani mazkur tashkilotlarning imkoniyatlarini kengaytirdi.
Mana shu kabi masalalarni hal qilishda aynan dunyoning rivojlangan mamlakatlari bu masalalarda qanday iqtisodiy yechimdan foydalanganini o`rganish zaruriyati tug`iladi. Kurs ishining dolzarbligi ham aynan shu yerda ko`zga tashlanadiki, bir qator davlatlar qatorida Yaponiya turizmining rivojlanish jarayonini o`rganish va tahlil qilish, albatta, bugungi O`zbekiston uchun turizm sohasida yangiliklar qilishda ijobiy ta’sir kuchiga ega. Shularni inobatga olgan holda aytish mumkinki, albatta, rivojlangan turizm sohasidagi bosib o`tilgan yo`lni o`rganish, tahlil qilib, milliy iqtisodiyot uchun murakkab iqtisodiy muammolarni hal qilish muhim ahamiyat kasb etadi.
Kurs ishining maqsadi: Yaponiya mamlakatining milliy turizmining tarkibini, rivojlanish tendensiyalarini hamda taraqqiyot bosqichlarini tadqiq etish.
Kurs ishining vazifalari:
Turizm sohasining rivojlanish omillari va jarayonini o`rganish;
Turizm sohasining ixtisoslashuvi va sohadagi muammolarga tizimli yechimlarni tadqiq qilgan holda bu sohada Yaponiya tajribasini o`rganish;
Ushbu yo`nalishda innovatsion texnologiyalarning tatbiq etilishini o`rganish;
Xalqaro turizm sohasida Yaponiya qay darajada ahamiyatga ega ekanligini tadqiq qilish;