Buxoro davlat universiteti ijtimoiy-iqtisodiy fakul

Vestgotlar  imperiyada.  Vestgotlarning  Dunaydan  o’tishi  yuzaki  qaraganda 
aytarli  bir  narsa  emasdek  edi.  Rimliklarning  butun-butun  qabilalarni  federat  qilib 
qabul  qilish  hollari  ilgari  ham  bo’lgan  edi.  Lekin  haqiqatda  esa  vesttotlarning 
Bolqon  yarim  orolida  paydo  bo’lishi  katta  oqibatlarga  olib  keldi.  Varvarlarga 
nisbatan  jabr-zulm  va  o’zboshimchalik  qilgan  imperiya  amaldorlari  bilan  chiqisha 
olmay,  vestgotlar  tez  orada  Rim  hukumatiga  qarshi  qo’zg’olon  ko’tarib, 
«federatlikdan»  endi  imperiya  hukumatining  xavfli  dushmanlariga  aylandilar. 
Bularga  mahalliy  konlarda-ishlayotgan  yerli  qullar  ham  (ularning  ham  ko’pchiligi 
aslida  varvarlardan  edi)  qo’shildilar.  Vestgotlar  Bolqon  yarim  orolining  janubiga 
qarab  yo’l  oldilar.  378  yili  ular  Adrionopolga  yaqin  joyda  Rim  qo’shinlarini  tor-
mor  qildilar;  bu  qo’shinlarga  qo’mondonlik  qilgan  imperator  Valent  o’ldirildi. 
Vestgotlar  Konstantinopolga  yaqinlashib  kelmoqda  edilar.  YAngi  imperator 
Feodosiy  I  (379-395)  bir  do’q-po’pisa  qilib,  bir  bo’lsa  diplomatik  muzokaralar 
yurgizib  vestgotlarni  tinchlantirishga  muvaffaq  bo’ldi,  ularga  Bolqon  yarim 
orolining  turli  joylaridan  yangi,  serhosil  yerlarni  ajratib  berdi.  Keyinchalik,  90- 
yillarda  sobiq YUgoslaviya territoriyasidagi  Illiriya  viloyati  vestgotlarga  berildi. 
Feodosiy  o’lgandan  keyin  Rim  imperiyasi  uning  o’g’illari  o’rtasida 
taqsimlandi.  SHarqda-Arkadiy  (395-408),  o’arbda-Gonoriy  (395-423)  idora  qila 
boshladi.  Aka-uka  imperatorlarning  ikkalasi  ham  bir-biriga  dushman  edi. 
Konstantinopol 
hukumati  vestgotlarni  o’arbiy  Rim  imperiyasiga  qarshi 
qo’zg’atishga qasddan harakat qildi. 
Gonoriyning  lashkarboshisi  Stilixon  (aslida  varvar  edi)  dastlabki  vaqtda 
vestgotlarning  Italiyaga  qilgan  hujumini  to’xtatib  turdi.  U  hatto  Britaniyadagi  rim 
legionlarini  (407  yilda)  chaqirib  keltirdi,  legionlarning  bu  vaqtida  Italiyaning 
o’zida  bo’lishi  nihoyat  darajada  zarur  edi.  Biroq  saroy  ahli  o’rtasidagi  fitna 
natijasida  Stilixon  tez  orada  vazifasidan  tushirildi  va  o’ldirildi.  Vestgotlar  qiroli 
Alarix  endi  qattiq  qarshilikka  uchramay,  409  yilda  Italiya  territoriyasiga  kirib 
bordi.  Keyingi  yilda  Alarix  Rimni  juda  katta  talonga  soldi.  SHu  narsa  xarakterliki, 

---

Alarix  Rimni  qullar  yordami  bilan  oldi.  Rimda  va  uning  atrofida  yashagan  40 
mingga  yaqin  qul  Alarix  tomoniga  o’tdi.  Bulardan  tashqari,  Alarixni  ko’pchiligi 
varvar-germanlardan  iborat  g’arbiy  imperator  armiyasining  ko’pchilik  qismi 
qo’llab-quvvatladi.  Vestgotlar  Rimni  410  yilning  24  avgustida  bosib  oldilar. 
Rimliklarning  poytaxti  bir  necha  kungacha  talon-taroj  qilindi.  Rimdagi  quldor 
zodagonlarning  ko’plari  o’ldirildi,  asir  olindi  va  qul  qilib  sotildi,  rimliklarning  bir 
qismi  qo’rquvga  tushib,  SHimoliy  Afrikaga  va  Bolhon  yarim  oroliga  qarab 
qochdilar.  Alarix  so’ngra  Sitsiliyaga,  u  yerdan  esa  SHimoliy  Afrikaga  yurish 
qilmoqchi  edi.  Buning  sababi  Italiyada  oziq-ovqat  yo’qligi  edi,  Italiyada  qishloq 
xo’jaligi  butunlay  tushkunlikka  uchragan  edi,  mahalliy  aholining  o’z  gallasi  o’ziga 
yetmas  edi.  Lekin  vestgotlarning  Afrikaga  yurish  qilish  mo’ljali  amalga  oshmadi. 
Bu yurish  uchun flot tayyorlanayotgan  o’sha 410 yili  Alarix  o’ldi.