Buxoro davlat universiteti ijtimoiy- iqtisodiy fakulteti psixologiya ta

Uslubiy ko'rsatmalar 
Mashg'ulot  xonasiga  bolalar  kirishi  bilan  tarbiyachi  ularni  to'xtatib,  oldinga 
o'tadi,  iloji  boricha  doira  bo'ylab  yurib  bolalarni  imo-ishora  bilan  o'z  ketidan 
chaqiradi.  Bu  vaqtda  yordam  beruvchi  pedagog  (musiqa  rahbari)  ritmik  ovoz 
signallarini  beradi.  Bolalar  erkin  tarzda  1-1,5  doira  yuradilar.  So'ng  signallar 
to'xtatiladi  va  bolalar  to'xtaydi.  Kattalar  bolalar  yuzlarini  doira  ichiga  qilib 
joylashtiradilar.  Tarbiyachi  bolalarni  taqlidga  da'vat  qilib,  harakatlar  bajarishni 
boshlaydi.  Pedagog  bu  harakatlarni  bajarishga  yordam  beradi.  Harakatlar  aniq, 

---

80
 
 
lekin tez bajarilmasligi kerak: bolalarga bir mashqdan ikkinchisiga o'tishlari qiyin 
kechadi.  Harakatlar  bajarib  bo'lingandan  keyin  bolalar  zal  bo'ylab,  tarbiyachi 
ketidan  doira  bo'lib  yuradilar,  keyin  komanda  asosida  “O'tiring”  tablichkasi 
yordamida baraban ovozi bilan bolalar stullarga o'tiradilar. 
Kichik  yoshdagi  bolalar  koptokni  bir-biriga  uzatishda  qiyinchiliklarga  duch 
kelishlari  mumkin.  Birinchi  mashg'ulotlarda  tarbiyachi  ularga  yordam  beradi. 
Buning uchun  odindan  stullar  oldiga  to'shalgan  gilamli  yo'lakchaning ustiga  ikki 
bolani  o'tkazib,  oyoqlarini  keng  yoyib  qo'yadi.  O'tirib  har  bir  bolaga  bittatadan 
koptok  yumalatadi  va  ishora  bilan  koptokni  qaytarishni  so'raydi.  Ikkinchi 
pedagog  boshqa  ikkita  bola  bilan  birga  shu  harakatlarni  bajaradi.  Shunday  qilib, 
mashqni  bir  vaqtning  o'zida  to'rtta  bola  bajaradi.  6-8  marta  koptok 
yumalatilgandan  so'ng  bolalarni  stullarga  o'tkazib,  keyingi  to'rtlik  bilan  mashqni 
bajariladi. Koptok ketidan yugurishga o'rgatish uchun tarbiyachi bolaga koptokni 
ko'rsatadi  shu  vaqtning  o'zida  koptokni  yaqinroq  joyga  yumalatib,  ishora  bilan 
uni  keltirishni  so'raydi.  Agar  bola  vazifani  tushunmasa  tarbiyachi  uni  qo'lidan 
ushlab  koptok  ketidan  birga  yugurib  qaytadi.  Keyin  tarbiyachi  koptokni  boshqa 
bola uchun yumalatadi.