Buxoro davlat universiteti filologiya fakulteti

     Xoqoniy  darveshlik  martabasinin    ta`riflar  ekan,  ana  shu  insoniy 
ulg`ayish g`oyasini qizg`in tarzda targ`ib qiladi. Shunga ko`ra, qasidada 
nafsni  rom  etish  zarurati  xususida  gapiriladi,  darveshning  himmatiga 
alohida e`tabor beriladi. Himmat—bu quyosh kabi baland bo`lish, porlab 
nur  taratish,  Iso  kabi  ruhga  aylanish,  Sulaymon  kabi  payg`ambarlik  va 

---

 
65 
 
shohlik taxtiga o`tirish, barchadan ozod bo`lib, barchaga naf` yetkazish, 
Faqrga dilni qurbon etish: 
Maro chun da`vati Isis ide har zamon dar dil, 
Dilam qurbone idi Faqru ganji govi qurbonash.[26,258]. 
     (Men  uchun  Iso  da`vati  har  dam  ko`ngilda  bayram  qo`zg`atgani 
sababli dilim Faqr bayrami qurboni va qurbonlik molining xazinasidir) 
     Shundan  keyin  dunyoning  o`tkinchi,  bebaqoligi,  manman  degan 
shohlar,  sultonlar  nom-nishonsiz  yo`qlik  qa`riga  ketgani  haqida  yozib, 
(―Qadarxon  o`ldi,  Samarqand  nasib  bo`lmadi,  Malikshoh  ketdi, 
Xuroson—o`z  yurti  uni  qabul  qilmadi‖).  Ikki  baytda  darvesh  va  shoh 
qiyosi beriladi. Chunonchi: ―Sultonlik tojini orzu qilgan darvesh darvesh 
emas.  Darveshlik  va  sultonlikni  bir  deb  bilgan  odam  darveshdir‖. 
Shunday  ―sultondil darvesh‖ bo`lgilki, darveshlikning oyog`i tuprog`ini  
sultonlikka toj etgil.  
     Muhammad(SAV) buning timsoli deb yakunlaydi Xoqoniy. 
     Xoqoniyda  faylasuflar  bilan  vajd  yo`lida  ilm  topgan  valiylarni 
qiyoslab, faylasuflar ilmini kamsitish ham bor.  
     Shu  kabi  qasidada  dunyoga,  boylikka  nafrat  hissi  ham  seziladi, 
zolimlarni mazlumlar ohidan qo`rqishga da`vat etiladi. 
     Xullas, umumlashtirsak, Xoqoniy qasidasida:  
1.  Darveshlik dardi va unga yetishish yo`li, unda botiniy muroqabaning, 
ko`ngilni  portlatishning  asosiy  talab  ekanligi,  aqliy  ta`lim  emas, 
vajdiy riyozatning ustunligi haqida. 
2.  Tabiat,  dunyo  inson  uchun  kishan,  uning  ruhioy  parvoziga  g`ov, 
tabiat—aql beshigi, voyaga yetmaganlik ramzi haqida. 
3.  U kishandan himmat bilan qutulib, ilohiy olamga yetishish va buning 
qiyinchiliklari, ne`mati-sharofati haqida. 
4.  Dunyoning  ,  shohlarning  o`tkinchi,  foniyligi,  darvesh  esa  shohlikni 
orzu qilmay, shoh-u gadoga barobarligi haqida. 
5.  Faylasuf-donishmandlar ilmining cheklanganligi haqida so`z boradi. 

---

 
66