yaratdilar. Atoqli navoiyshunos Alibek Rustamovning "Shoirning birinchi g‘azali"
sig‘ar» devonidagi joylashtirilishi o‘rniga ko‘ra birinchi g‘azalning badiiyati,
ramziy timsollari, ishqning may bilan o‘ndan ortiq o‘xshash tomonlari va oqibati
jihatlariga ko‘ra, tamoman zid farqlarini, har bir baytning zohiriy hamda botiniy
ma’nolarini keng tahlil qildi.
Navoiyshunoslikda shoir g’azaliyoti muammolari atroflicha hal qilingan bo’lsada,
uning tahliltalab nuqtalari juda ko’p. Zero, har bir satri bilan abadiylikka aloqador
bu ulkan so’z san’atkorining ijodiy merosi o’rganilgan sayin chuqurlashib
bormoqda. Shoir sirxonasidagi sirlar tagiga borgan sari sirlar ko’payib bormoqda.
Xususan, istiqlol munosabati bilan milliy qadriyatlarga yangicha munosabat,
muallif asarini shu muallif davri, dunyoqarash nuqtai nazaridan haqqoniy
baholashga, adibning o’zligini ochish va tanishga imkon berdi. Shuning uchun
keyingi vaqtlarda Alisher Navoiy asarlarini ma’rifiy, orifona, falsafiy, tasavvufiy
ma’nolarini ochish va ommalashtirishga qiziqish kundan kun oshib bormoqda.
Milliy o‘zlikni anglash, umuminsoniy qadriyatlarni ulug‘lash esa mustaqil yurtning
barkamol avlodiga yuksak ma’naviy ruh bag‘ishlaydi. Shuning uchun mustaqil
jamiyatimizda barkamol avlod (shaxsni shakllantirish) tarbiyasi davlat siyosati
darajasiga ko‘tarilgan jiddiy masala sifatida qayta-qayta e’tirof etilmoqda.
Istiqlol tufayli Alisher Navoiy merosining tayanch g‘oyaviy manbalari - Qur’oni
Karim, Hadisi sharif va tasavvuf ta’limoti ekanligi e’tirof etildi. Ulug‘ shoir
tavalludining 550 yilligi munosabati bilan yangicha talqindagi maqolalar e’lon
qilindi va "Alisher Navoiy. G‘azallar, sharhlar» sarlavhali alohida kitob chop
etildi
.(45)
Mustaqillik adabiy merosimizni yangicha yo‘nalishda o‘rganish
istiqbollarini ochib berdi. Zero, birinchi Prezidentimiz ta’kidlaganlaridek: "Biz
ma’naviy qadriyatlarni tiklashni milliy o‘zlikni anglashning o‘sishidan, xalqning
ma’naviy sarchashmalariga, uning ildizlariga qaytishdan iborat uzviy tabiiy
jarayon hisoblaymiz"
(1, 34).
Alisher Navoiyning hamd va na’t g‘azallari ham xuddi ana shu yuksak g‘oyalar
badiiy ifodasini topadi. Allohga hamd vositasida insoniy poklik ulug‘lanadi.
Yaratganning ongli xalifasi (inson) o‘z ma’naviy-ruhiy qiyofasini
takomillashtirib, boyitib yashamog‘i, solih amallar sohibi bo‘lmog‘i zarur.
Shunday bo‘lmas ekan, uning boshqa maxluqotlardan farqi qolmaydi. Navoiy
hazratlari hamd va na’t yo‘nalishidagi asarlarining mag‘z-mag‘ziga ana shu
ulug‘ g‘oya singdirilgandir.
Istiqloldan so‘ng mumtoz adabiyotning tayanch g‘oyaviy manbalari asosida
asarlarning islomiy-irfoniy ma’no qirralari kashf etila boshlandi. "Alisher
Navoiyning adabiy mahorati masalalari" nomli maqolalar to‘plami nashr etildi.
Do'stlaringiz bilan baham: