Buxoro davlat universiteti filologiya fakulteti filologiya va tillarni o

7.Nozim she'riyatining bosh qahramoni odamzotni sirli, mo'jizakor xilqat deb biladi , Inson boqiy qadriyatdir ,deya mehr - e'tibor ko'rgizadi. Inson -benazir qadriyat ekanligining bosh belgisi bu - tabiat tomonidan ehson etilgan noyob layoqat- tafakkur madaniyaatidir. Bahrul muhitga hayot nish uribdiki, inson aqlini tanibdiki, ushbu nodir iste'dodni jilolantirib, yangi-yangi imkoniyatlarni namoyon etib kelmoqda. Shoir ruboiy-to'rtliklarining lirik qahramoni tafakkur tabiatida hayot va o'lim, inson va tabiat, umrning oniy lahzalari va boqiylik masalalari talqin etiladi. U zamondoshlarimiz ma'naviy hayotining rangin manzaralari mazmunini , go'zalligining mohiyatini xarakterli kartinalarda chizadi. Ana shu jarayonda tabiat manzaralari, holatlari va xossalari inson hayotining go'zalligini namoyon qilishda fon sifatida emas, bevosita mohiyat sifatida gavdalanadi. Negaki inson tabiatdan andoza olib , tabiatga monand aqiq go'zalliklar yaratish ishqi , shavqi bilan yashaydi, mehnat qiladi.
8. Mustaqim Rofiy she'rlarida tajassum topgan zamondosh haqidagi fikr,avvalo, bizning o'zimiz haqidagi mushohadalardir . Lirik qahramon insonning
emotsional-intelektual manbayi jiatidan hayot bo'lsa, sub'yektiv jihatdan shoirning o'zidir. Shoir o'zi lirik qahramoning yaratuvchisi, unga jon bag'shlaydi. Lirik qahramon shoirdan oziqlanadi. Ilmda,hissiy boylikda, oliyjanoblikda shoir ko'nglining
ma'naviy-intelektual ko'zgusidir. Shoir estetikasida she'r yozish hamma vaqt mas`ulyati masala deya angashiladi. Shoir she'riyatining lirik qahramoni M.Rofiy shaxsiyatida mujassmlashgan ma'nviy-intelletual dunyoni she'riyatdagi ko'zgusidir.
11. M.Rofiy lirikasi insonni himoya qilishga, milliy madaniyat va axloqni inson shaxsi va sha`nini ulug'lashga qaratilgan. Unda murakkab mushohadalar xalqona hikmatga yo'g'rilgani ijtimoiy ahamiyatga molik. Uning she'riyatini o'qir ekanmiz,har bir satrida hayot nafasi ufurib turganligini,voqelik haqqoniy va xolis tasvirlanganini his qilamiz .Bu bejiz emas,albatta. Shoir badiiy ijod bilan bir qatorda
el-yurt xizmatiga kamarbasta bo'lib kelmoqda. Shoir ijodiy mahsulini ko'zdan kechirganimizda ,umrning har bir faslida sermahsul ijod qilayotganini,davr , zamon bilan hamkor, hamnafas bo'layotganing guvohi bo'lamiz. Shoir ruhiy kechinmalar tasvirida, g'oyaviy-falsafiy chuqurlashuvida uning ijodiy faoliyatida tadrijiy takomilning uzluksizligi katta ahamiyatga ega bo'lmoqda. Ishonamizki,yuqoridagi xulosalarga ko'ra ,uning qalamiga mansub ruboiy-to'rtliklar kelgusida olib boriladigan dolzarb ilmiy tadqiqotlarga bemalol matirial bo'la oladi.