Buxoro davlat universiteti biologiya kafedrasi embriologiya va gistologiya

2.Neytral formalin. Odatda formalin kislota xususiyatiga ega bo'ladi, chunki 
uning tarkibida  qumursqa kislotasi bor. Lekin bu kislota boshqa  to'qimalar  uchun 
halal bermasa ham, nerv elementlariga ishlov berishda halal beradi. Shuning uchun 
nerv  elementlarini  kumushlashda  neytral  formalindan  foydalaniladi.  Formalinni 
neytrallash uchun 100 g oddiy formalinga 10 g maydalangan bo'r qo'shiladi. Bunda 
bir  sutka  o'tgach,  formalin  neytrallanadi.  Neytral  formalinda  ham  ob‘ektlarni 
soatlab, oylab saqlash mumkin. 
3.Etil  spirti.Ob‘ektlarni  konservlash  uchun  96°  li  etil  spirtidan  ham  foy-
dalaniladi.  Bunga  solinadigan  ob‘ektlarning  kattaligi  5  mm  dan  ortiq  bo'lmasligi 
shart.  Bu  spirtda  ob‘ektlar  tez  konservlanadi.  Ammo,  u  ob‘ektni  tez  burishtiradi. 
Shuning  uchun  bu  spirtni  yumshoq  to'qimalarni  konservlashda  ishlatilmaydi.  Shu 
bilan birga spirt, tarkibida moy moddalari bo'lgan ob‘ektlarning moylarini va moy 
hujayralarini  eritib  yuboradi.  Lekin  etil  spirti  hujayralardagi  glikogen,  temir 
elementi saqlovchi pigmentlar va mineral tuzlarni yaxshi saqlaydi. 

---

4.Metil spirti. Shishaga surkab havoda quritilgan qon surtmasini konservlash 
uchun  suvsiz, toza metil spirtidan foydalaniladi. Metil spirti bilan ishlaganda ―A‖ 
gruppadagi zaharli moddalarni ishlatish va saqlash qoidalariga rioya qilish kerak.