Buxoro davlat universiteti b. Ibragimov, M. Ibragimov sport turlari bo

Suzish usullari 
Yuqorida aytib o`tilganlardan ma`lum bo`ldiki, har qanday sportdagi suzish 
texnikasi ma`lum qoidaga asoslangan harakat va holatlar majmuasidan iborat ekan. 
Bu  harakat  va  holatlar  asosan  beshta  bo`lib,  bular:  1)  gavda  holati;  2)  oyoqlar 
harakati; 3) qo`llar harakati 4) nafas; 5) harakatlarning umumiy uyg’unlashuvidan 
iborat. Har qanday sportdagi suzish usullarining negizi deyarli shularga asoslanadi. 
Shulardan  kelib  chiqib,  butun  suzish  usullarini  ikki  guruhga  bo`lish  mumkin.  1. 
qo`l  va  oyoqlarni  navbatma-navbat  harakatlantirib  suzish.  Bunga:  a)  ko`krakda 
krol’  usulida  suzish  va  b)  chalqancha  krol’  usulida  suzish  kiradi;  2.  qo`l  va 
oyoqlarni  bir  vaqtda  harakatlantirib  suzish.  Bunga:  a)  brass  usulida  suzish  va  b) 
batterflyay  usulida  suzish  (buni  del’fincha  suzish  ham  deyiladi)  kiradi 
(del’finlarning suzishini ko`z oldingizga keltiring). Yonboshlab suzish sportda o`z 
ahamiyatini  yo`qotgan.  U  ba`zi  o`yinlarda  va  maxsus  talab  qo`yilgan  paytlarda 
qo`llaniladi, xolos. Endi bularga alohida-alohida to`xtab o`tamiz.