Buxoro amirligi mahalliy boshqaruv

Mavzuning maqsadi va vazifalari. Buxoro davlatida XVIII asrning ikkinchi yarmidan boshlab mang`it sulolasining namoyandalari hukmronlik qilgan. Buxoro amirligi mang`itlar davri tarixi turli mahalliy manbalar va ilmiy adabiyotda yoritilgan.Ushbu sulola hukmronligi 1920-yilgacha davom etdi. Sulola hukmdorlari o`zlarini “amir” deb atadilar. Buxoro amirligining tarixini manbalar va arxiv hujjatlariga tayangan holda amirlikda mansab unvonlar, harbiy lavozim, ularning egalarining vazifalari, lavozim egalarining davlat boshqaruvidagi o`rnini, harbiy mashqlar, harbiy taktika, o`ziga xos mudofaa tizimini yaratilganini ko`rsatib o`tish (imkon bo`lsa ismi sharifi bilan keltirish) ishning maqsadini belgilaydi. Buxoro amirligining XIX asr oxirgi o`n yilliklari – XX asr boshlaridagi ijtimoiy-siyosiy tarixini, davlat boshqaruvini, diniyhuquqiy va harbiy boshqaruv masalalarini o`rganish bizga muhim xulosalarni chiqarishga imkon beradi.
Ishning nazariy va amaliy asoslari. Tadqiqotning nazariy asoslarini O`zbekiston, Markaziy Osiyo va Yevropa tarixchilari asarlari, turli yillarda nashr etilgan ilmiy-monografik risolalari, asarlari va hozirgi kundagi ilmiy maqolalar tashkil etadi.
Tadqiqotning uslubiy asoslarini xolislik, tizimlilik, nazariy-deduktiv xulosa chiqarish, analiz va sintez, tarixiylik va mantiqiylik, qiyosiy tahlil kabi ilmiy-falsafiy tamoyillar tashkil etadi.
Ishning nazariy va amaliy ahamiyati. Tadqiqotning nazariy ahamiyati shundaki, uning xulosalaridan ijtimoiy-falsafiy tafakkurni kengaytirishda, mustaqil fikrni shakllantirishda, O`zbekiston tarixiga bo‘lgan ijobiy munosabatni shakllantirishda foydalanish mumkin.
Tadqiqotning amaliy ahamiyati esa, hozirgi kunda turli O`zbekiston tarixini o‘rganib, atroflicha tahlil qilib, zamonamiz talabiga binoan to‘g‘ri xulosa chiqarish va ulardan yoshlarimizni ilmiy-ma’naviy dunyoqarashlarini kengaytirishda, barkamol inson qilib yetishtirishda foydalanishda namoyon bo‘ladi.
Kurs ishining strukturasi. Ish kirish, ikki bob, to‘rt band, xulosa va foydalanilgan adabiyotlar ro‘yxatidan iborat bo‘lib, umumiy hajmi 38 betni tashkil qiladi.