Buxgalteriya lit

4-§. Buxgalteriya hisobotiga yoziladigan
tushuntirish xati
Yillik buxgalteriya hisobotiga hisobot yilida korxona
faoliyati  natijalariga  ta’sir  qilgan  asosiy  omillar  tushun-
tirilgan  va  korxonaning  moliyaviy  holati  aks  ettirilgan
tushuntirish xati ilova qilinadi.
Ma’lumki, hisobot shakllarida  korxona va tashkilotlar
xo‘jalik mablag‘larining joylashishi hamda tashkil topish

---

212
manbalari jadval ko‘rinishida ifoda etiladi. Jadvallardagi
ma’lumotlar esa korxona xo‘jalik faoliyati, hisobot davrida
ro‘y bergan o‘zgarishlar, ularning sababi to‘g‘risida to‘la
ma’lumot  bermaydi.  Bu  ma’lumotlarni  yuqorida  aytib
o‘tilgan yillik hisobotga yozilgan tushuntirish xatidan olish
mumkin. Unda hisobot davrida tashkilot bo‘yicha asosiy
ko‘rsatkichlarning bajarilishi, unga ta’sir qiluvchi omillar,
shartnoma  shartlarining  bajarilishi,  asosiy  vositalardan
samarali  foydalanish,  xarajatlar    holati,  rejaga  nisbatan
haqiqiy bajarilishi ko‘rsatiladi.
Тushuntirish xatining kirishida qabul qilingan qonun-
larning  bajarilishi,  hukumat  tomonidan  chiqarilgan
qarorlarning  bajarilishi  uchun  ko‘rilgan  chora-tadbirlar
yoziladi. Unda hisobot davrida o‘tkazilgan inventarizatsiya
natijasi  bo‘yicha  qabul  qilingan  qarorlarning  qisqacha
mazmuni  ko‘rsatilishi  kerak.  Ayrim  sabablarga  ko‘ra
belgilangan  inventarizatsiya  rejalari  bajarilmagan  bo‘lsa,
uning sabablari ko‘rsatilishi kerak. Agar hisobot davrida
ishlatilmay  kelinayotgan  asosiy  vositalar  mavjud  bo‘lsa,
uning  sababi  yozilishi  shart.  Bunda  asosiy  vositalardan
samarali foydalanish yo‘llarini ko‘rsatish zarur.

---

213