«buxgalteriya hisobi va audit» kafedrasi «buxgalteriya hisobi»

26-Ишлаб чиқаришдаги яроқсиз маҳсулотларни ҳисобга олиш счётлари
2610-«Ишлаб чиқаришдаги яроқсиз маҳсулот»
27-Хизмат кўрсатувчи хўжаликлар харжатларини ҳисобга олиш счётлари
2710-«Хизмат кўрсатувчи хўжаликлар»
31-Келгуси давр харажатларини ҳисобга олиш счётлари
3110-«Олдиндан тўланган ижара ҳақи»
3120-«Олдиндан тўланган хизмат ҳақи»
3190-«Бошқа бўнак харажатлари»
89-Келгусидаги харажатлар ва тўловлар резервлари бўйича счётлар
8910-«Келгусидаги харажатлар ва тўловлар резевлари».
Элементлар ва калькуляция моддалари бўйича харажатлар ҳисобини таъминлаш учун ҳамма харажатлар ишлаб чиқарилаётган маҳсулот турлари бўйича 2010-счётда гуруҳланади. 2010-«Асосий ишлаб чиқариш» счёти асосий ишлаб чиқаришга, яъни мазкур корхонани ташкил этишдан маҳсулот (ишлар ва хизматлар) етиштириш мақсад бўлган ишлаб чиқаришга қилинган харажатлар тўғрисидаги ахборотни умумлаштириш учун тайинланган.
2310-«Ёрдамчи ишлаб чиқариш» счёти асосий ишлаб чиқариш ёки корхонанинг асосий фаолияти учун ёрдамчи (кўмакчи) бўлган ишлаб чиқаришлар харажатлари тўғрисидаги ахборотни умумлаштириш учун тайинланган.
Ёрдамчи ишлаб чиқариш маҳсулот ва хизматлари цех ҳамда завод бўлимлари томонидан ишлатилади. Шунинг учун ёрдамчи ишлаб чиқариш маҳсулот ва хизматлар таннархи ишлаб чиқаришни бошқариш ва унга хизмат кўрсатиш харажатлари таркибига киритилади.
2510-«Умумишлаб чиқариш харажатлари» счёти корхонанинг асосий ва ёрдамчи ишлаб чиқаришларига хизмат кўрсатиш бўйича харажатлари тўғрисидаги маълумотларни умумлаштириш учун тайинланган.
2610-«Ишлаб чиқаришдаги яроқсиз маҳсулот» счёти ишлаб чиқаришда бракдан кўрилган зарарлар тўғрисидаги ахборотни умумлаштириш учун тайинланган.
2710-«Хизмат кўрсатувчи хўжаликлар» счётида корхонанинг хизмат кўрсатувчи хўжаликлари томонидан маҳсулот ишлаб чиқариш, ишлар бажариш ва хизматлар кўрсатиш билан боғлиқ харажатлар ҳисоби амалга оширилади.
3110-«Келгуси давр харажатлари» счёти мазкур ҳисобот даврида қилинган, аммо келгуси ҳисобот даврига тегишли бўлган харажатлар тўғрисидаги ахборотни умумлаштириш учун тайинланган.
Ушбу счёт таркибига қуйидагилар киради: телефон учун олдиндан тўланган абонент тўлови, ижара тўлови, рўзнома ва ойномаларга обуна қиймати ва бошқалар. Счёт актив бўлиб иқтисодий тарафдан хўжалик жараёнининг ҳолатини кўрсатади.
Шу даврнинг ўзида таннархни бошқариш қисмининг ишлаб чиқариш эҳтиёжи келгуси давр харажатлари ҳамда тўловлари учун резерв маблағларини ташкил этилишини талаб этади. Шунинг учун яна бир 8910-«Келгусидаги харажатлари ва тўловлар резервлари» счёти керакдир. Ушбу счёт ишлаб чиқариш ёки муомала сарфларига харажатлар ва тўловларни бир меъёрда қўшиш мақсадида белгиланган тартибда резерв қилинган суммаларнинг ҳолати ҳамда ҳаракати тўғрисидаги ахборотни умумлаштириш учун тайинланган.
Счёт пассив бўлиб, хўжалик жараёнининг ҳолатини тавсифлайди. Уни юргизиш учун эса Молия Вазирлигининг рухсати керакдир.