Burg‘ilash quduqlari elementlariga nimalar kiradi?

Zarba-mexanik burg‘ilash usuli haqida ma’lumot bering?

Zarba-mexanik burg‘ilash usuli deb, jinslarni parchalash uchun zarur bo‘lgan kuch ma’lum balandlikdan zarba dolotosini zaboyga tashlanishi bilan bog‘liq bo‘lgan burg‘ilash usuliga aytiladi. Zarba-kanatli mexanik burg‘ilash usuli gidrogeologik, suv olinadigan, portlatish quduqlari va maxsus ahamiyatga ega bo‘lgan katta diametrdagi quduqlarni burg‘ilash uchun ishlatiladi. Bundan tashqari, sochma konlarni va tomchi ma’danlarni razvedka qilishda ham ishlatiladi. Razvedkaviy quduqlar diametri 200 mm dan kam bo‘lmagan va chuqurligi 100 metrgacha, gidrogeologik va suv olinadigan quduqlarning diametrlari 150—250 mm dan 1000 mm gacha va chuqurligi 200 metrgacha; alohida ahamiyatga ega bo‘lgan quduqlarning diametrlari 1000 mm va undan ortiq va chuqurligi 400 metr bo‘lishi mumkin.
Zarba-kanatli burg‘ilash sxemasi
Zarba-kanatli burg‘ilashning sxemasi 6.1- rasmda keltirilgan. Zarba dolotosi 1, zarba shtangasi 2, suriluvchan shtanga 3 va kanat qulfi 4 dan tarkib topgan burg‘ilash snaryadi kanat yordamida quduq ichiga tushiriladi. Kanatning bir uchi kanat qulfiga, ikkinchi uchi tormozi bor instrumental lebyodka barabaniga mahkamlangan bo‘ladi.

27.