Burg‘ilash quduqlari elementlariga nimalar kiradi?

Mexanik aylanma burg‘ilash uchun tog‘ jinslarining burg‘ilanishi bo‘yicha klassifikatsiyasi

5. 
   Parchalangan jinslar qanday usullar bilan yuqoriga ko‘tariladi?
   

Parchalangan jinslarni zaboydan olib tashlash va uni yuqoriga ko‘tarish burg‘ilash uchun zaruriy jarayon hisoblanadi. Parchalangan jinslarni zaboydan olib tashlashning quyidagi usullari mavjud: 1) gidravlik usul — bunda jinslar zarrachasi yuvish suyuqliklari oqimi bilan chiqarib tashlanadi (suv, gil eritmasi, neft asosidagi maxsus yuvish suyuqliklari, polimer eritmalar va boshqalar); 2) pnevmatik usul — bunda parchalangan jinslar qisilgan havo yoki gaz oqimi bilan chiqarib tashlanadi; 3) mexanik usul — parchalangan jinslar burg‘ilash yoki maxsus asboblar (burg‘i stakani, qoshiqli yoki spiralli burg‘i, shnek, jelonka) yordamida yuqoriga chiqarib tashlanadi. Mustahkam bo‘lmagan jinslarni burg‘ilashda quduq devorlari qulab tushishining oldini olishning quyidagi yo‘llari mavjud: 1) quduqqa to‘ldirilgan yuvish suyuqligining gidrostatik bosimi hisobiga; 2) gil eritmasi bilan burg‘ilashda quduq devorlarida zich gil qatlamini hosil qilish; 3) quduq ichiga obsadka quvurlari kolonnasini tushirish. Quduqlar kompleks burg‘ilash va energetik uskunalar hamda yerusti inshootlariga ega bo‘lgan, quduqlarni burg‘ilash uchun ko‘zda tutilgan burg‘ilash qurilmalari bilan burg‘ilanadi. Burg‘ilash qurilmalari tarkibiga burg‘ilash agregati, burg‘ilash binosi ichiga joylashtiriladigan burg‘ilash agregati va burg‘ilash vishkasi kiradi. Burg‘ilash agregati tarkibiga esa burg‘ilash stanogi, burg‘ilash nasosi va ularning kuch uzatmalari hamda burg‘ilash jarayonini nazorat va idora qilish uchun apparaturalar kiradi. Transportabelligi bo‘yicha burg‘ilash qurilmalari statsionar, ko‘chma o‘ziyurar va olib yuriladiganlarga bo‘linadi.

6.