Burchak o`lchash mohiyati prinsipi. Teodolit

8.6-rasm. Doiraviy adilak

Temperatura ta`sirini kamaytirish uchun ba`zi bir asboblarda adilak naychasining bir uchiga kamera 4 qilingan (8.5-rasm c). Bunday adilaklar kamerali adilak deb ataladi. Temperatura o’zgarishi kamerali adilaklarda pufakchaning uzunligiga sezilarli ta`sir etmaydi. Ba`zi geodezik asboblarda, chunonchi nivelirlarda adilak pufakchasining holati maxsus prizma yordamida kuzatib turiladi.
Ayrim geodezik asboblarda silindrik adilak bilan birga sezgirligi kam bo’lgan doiraviy adilak ham ishlatiladi. Doiraviy adilak (8.6-rasm) ichki yuzasi

silliqlangan va shisha qopqoq bilan germetik bekitilgan quticha ichiga joylangan. Quticha ustiga doiracha o’yilgan; doirachaning markaziga adilak nol punkti deyiladi. Nol punkti markazidan o’tgan sharsimon yuza radiusi adilak o’qi deb ataladi. Pufakcha doira markaziga to’g’ri kelganda adilak o’qi vertikal vaziyatda bo’ladi. Doiraviy adilakdan foydalanish oson va juda qulaydir. Asbobni nuqtaga o’rnatishda yuksak aniqlik talab etilmagan hollarda va asbob o’qlarini taxminan gorizontal yoki vertikal holatga keltirish vaqtida shu adilakdan foydalaniladi.