Buning uchun «Ko’ruv xotirasi», «Uzoq muddatli xotira» «Belgilarni qo’y», «Nuqtalarni eslab qol va o‘z joyiga qo‘yib chiq» kabi metodikalardan foydalandik

Taktil va harakat xotirasini rivojlantirish uchun mashqlar.
“Issiq - sovuq, quruq - xо‘l”. Bolalarni stimullovchi jihozlar tayyorlanadi, masalan: muz bо‘lagi, muzlatgichdan olingan meva, namlangan paxta va h.k. Bolaga ochiq kо‘z bilan predmetlarni ushlab kо‘rish va ularni ushlaganda qanday ekanligini ta’kidlash taklif etiladi. Shundan sо‘ng bola bog‘langan kо‘z bilan ularga berilgan predmetlarni tahlil qiladilar, nomini va ushlaganda qanday ekanligini aytadi. Masalan: “Bu quruq va iliq paxta”. Mashqni bajarib bо‘lgach boladan barcha xо‘l predmetlar va barcha sovuq predmetlarni va hokazolarni aytish sо‘raladi.
“Xuddi shunaqasini top”. Bola kо‘zlari bog‘liq xolda qopchadagi ustki qismi turlicha bо‘lgan (silliq, g‘adir-budir, tikanli, yumshoq va h.k.) shakllarni yoki predmetlarni ushlab kо‘radi. Sо‘ng kо‘zlarni ochmasdan xuddi shunday usti qatlamga ega bо‘lgan shakllarni yoki predmetlarni topishi va ularni belgilangan tartibda qatorga tahlashi kerak. Shakl yoki predmetlarning soni asta-sekin kо‘paytirib boriladi. Ushlab kо‘rib sezish avval ikki qо‘lda barobar, sо‘ngra bitta qо‘lda (chap, о‘ng); predmetlarni qidirib topish esa, ikkala qо‘l bilan barobar amalga oshiriladi. Bola qopchadan qanday predmetlar bо‘lganligini eslab qolishi va ularni nomlab berishi kerak.
“Shakllarni eslab qol”. Bola kо‘zlari bog‘langan holatda turli shakllarni (doira, uchburchak, yulduzcha va h.k.) ushlab kо‘radi, paypaslagan xolda ularning nomini aytadi. Bola ularni berilgan ketma-ketlikda eslab qolishi, keyin u kо‘zini ochmagan xolda bir oz tanaffusdan sо‘ng shakllarni paypaslab topishi va avvalgi tartibda tahlab bera olishi kerak.
“Holatini his et va eslab qol”. Kо‘zlari bog‘langan xolda о‘tirgan yoki turgan bola qandaydir holatga keltiriladi, sо‘ng bu holat “olinadi” yoki avvalgi holatga qaytariladi (qiyinlashtirilgan varianti – ketma-ketlikda 2-3 ta holat taklif etiladi). Vazifasi – holatlarni his etish va eslab qolish, undan sо‘ng kerakli ketma-ketlikda taqdim etish.
“Qotib qol”. Bunda bir necha bolalar о‘ynaydi, ulardan bittasi-boshlovchi vazifasini bajaradi. U qandaydir holatni о‘ylab topadi va uni boshqa bolalarga kо‘rsatadi. Hamma bolalar diqqat bilan kuzatadilar va eslab qoladi. Keyin oldindan amalga oshirilgan kelishuv bо‘yicha yuguradilar, sakraydilar, emaklaydilar. Boshlovchi tomonidan “Qotib qol” signali berilgach – bolalarning barchasi boshlovchi kо‘rsatib bergan va eslab qolgan holatlarini egallashlari kerak.