|
(БУХОРО ТУМАНИ) ҲУДУДИЙ ЛОЙИҲА ГУРУҲИНИНГ ФЕВРАЛЬ ОЙИ ДАВОМИДА АМАЛГА ОШИРГАН ИШЛАР ЮЗАСИДАН
Бухоро туманини ижтимоий-иқтисодий ривожлантириш драйвер соҳалари қайтадан кўриб чиқилди ҳамда мавжуд салоҳиятидан келиб чиқиб қўшимча йўналишлар аниқланиб, якуний драйвер йўналишлар шакиллантирилди. Жумладан;
Саноат соҳасида:
- Мева-сабзавотни қайта ишлаш саноати: Туманда 2982,6 гектар боғдочилик буйича ерлар мавжуд бўлиб, шундан узум боглари 1131,8 гектар ва 1844,8 гектар боглар мавжуд булиб,ҳосилдорлик ўртача гектарига 20 тоннани ташкил этмоқда, хамда йиллик уртача мева етиштириш 112,0 минг тоннани ташкил этади. Эскирган 465 гектар боғларни босқичма-босқич интенсив боғларга айлантириш ҳисобига ҳосилдорликни 2 баробар ошириш имконияти мавжуд.Етиштирилган қишлоқ хўжалиги маҳсулотларини қайта ишлаш, саклаш, кадоклаш ишлари буйича лойиҳалар ташкил этиш;
Текстиль ва тўқимачилик саноати: Қоракўл туманида йилига 29 минг тоннадан ортиқ пахта хом ашёси етиштирилади. Етиштирилган пахта хом ашёсини тўлиқ қувватларда қайта ишлаб ип калава ишлаб чиқарувчи саноат корхоналари мавжуд. Мазкур ип калава ишлаб чиқарувчи саноат корхоналарнинг фаолиятини кенгайтириш ва диверсификация қилиш ҳисобидан ишлаб чиқарилаётган ип-калавани 100 фоиз қайта ишлаб, тайёр маҳсулот сифатида экспортга йўналтириш.
Шунингдек, туманда йилига 700 тоннадан ортиқ етиштириладиган жун маҳсулотларини тўлиқ қувватларда қайта ишлаб тайёр маҳсулот ишлаб чиқариш ҳамда йилига 45 тоннага тенг пилла маҳсулотларини тўлиқ қувватларда қайта ишлаб тайёр маҳсулот ишлаб чиқарувчи саноат корхоналарини ташкил этиш.
Хизмат кўрсатиш соҳасида:
Бухоро туманида М-37 халқаро автомагистрал йўли ёқасида хизматлар сохасини ривожлантириш: Тумандан ўтувчи М-37 халқаро аҳамяига эга автомобиль йўли ёқасида савдо ва маиший хизмат кўрсатиш шахобчаларини, умумовқатланиш шахобчаларини, логистика маркази, меҳмонхоналар, коворкинг марказлари, автомобилларга хизмат кўрсатиш соҳаларини ривожлантириш;
Туризмни ривожлантириш: Бухоро туманида жойлашган қадимги Шергирон МФЙ ҳудудидаги Чор бакр мемориал комплексида хизмат кўратиш объектларини ташкил этиш орқали туристларни жалб этиш;
Қишлоқ хўжалиги соҳасида:
Иссиқхона хўжаликларини ривожлантириш: Бухоро туман Сўфикоргар маҳалла фуқаролар йиғини ҳудудидан танланган “Бухоро Агро” эркин иқтисодий зонасидаги 500 гектар ер майдонларида замонавий иссиқхоналар ташкил этиш;
Боғдорчилик соҳасини ривожлантириш: Туманнинг Боғикалон, Сўфикоргар МФЙ ҳудудларидаги эски ананавий боғларни янгисига ўзгартириш орқали замонавий интенсив боғлар ташкил этиш;
Бундан ташқари туманда маҳаллий тадбиркорлар ва аҳоли хонадонларида жами 3,5 минг гектар ер майдонларида узумнинг замонавий хўраки ва майизбоп навларини экиш ишларини амалга ошириш.
Чорвачиликни ривожлантириш: Тумандаги мавжуд яйлов ерларида чорвачилик соҳасини ривожлантириш .
Бугунги кунда лойиха гурухи томонидан туманнинг иқтисодий ва ресурс салоҳиятини таҳлил қилган ҳолда туманнинг мавжуд ресурсларидан оқилона фойланиш мақсадида қуйидаги лойихаларни ташкил қилиш ишлари бошлаб юборилган. Жумладан:
1. Мавжуд ресурс: Бухоро туманининг Новметан, Кунжиқалъа МФЙ ҳудудларида қишлоқ хўжжалигида фойдаланилмайдиган 10 минг.гектар ер майдонларини ўзлаштириш орқали пахта тўқимачилик йўналишларида лойиҳалар амалга ошириш имконияти мавжуд.
Таклиф: “Bukhara Urfa Klaster” МЧЖ умумий қиймати 27 млн. АҚШ долларига тенг (шундан, корхонанинг ўз маблағлари ҳисобидан 5 млн. АҚШ доллари ва тўғридан-тўғри хорижий кредит ҳисобидан 22 млн. АҚШ доллари) пахтани қайта ишлаш натижасида йилига 5,5 минг тонна тайёр маҳсулот ишлаб чиқариш ҳамда туманда 1 200 та янги иш ўринлари яратиш режалаштирилган.
Бундан ташқари маҳаллий ва хорижий инвесторларни жалб қилган ҳолда мавжуд ер майдонларини ўзлаштириш ҳисобига ғалла махсулоти етиштириш, Паррандачилик кластерлари ташкил этиш имкониятлари мавжуд.
2. Мавжуд ресурс: 2982,6 гектар боғдочилик буйича ерлар мавжуд бўлиб, шундан узум боглари 1131,8 гектар ва 1844,8 гектар боглар мавжуд булиб,ҳосилдорлик ўртача гектарига 20 тоннани ташкил этмоқда, хамда йиллик уртача мева етиштириш 112,0 минг тоннани ташкил этади. Эскирган 465 гектар боғларни босқичма-босқич интенсив боғларга айлантириш ҳисобига ҳосилдорликни 2 баробар ошириш имконияти мавжуд.
Таклиф:_“Millmax_trade”_МЧЖ'>Таклиф: “Millmax trade” МЧЖ томонидан умумий қиймати 19,8 млн. АҚШ долларига тенг (шундан, корхонанинг ўз маблағлари ҳисобидан 9,8 млн. АҚШ доллари ва хорижий кредитлар ҳисобидан 10,0 млн. АҚШ доллари) агрокластер маркази негизида иссиқхона, музлатгич, мева-сабзавотни қайта ишлаш ва қадоқлашни ташкил этиш натижасида йилига 6 минг тонна тайёр маҳсулот ишлаб чиқариш ҳамда туманда 470 та янги иш ўринлари яратиш белгиланган.
3. Мавжуд ресурс: Бухоро туманида йилига 29 минг тоннадан ортиқ пахта хом ашёси етиштирилиб, ушбу хом ашёни туманда қайта ишлаб тайёр маҳсулот ишлаб чиқариш қувватлари мавжуд эмас.
Таклиф: Тумандаги “RRR Intercom Textile” МЧЖ умумий қиймати 45 млн. АҚШ долларига тенг (шундан, корхонанинг ўз маблағлари ҳисобидан 5 млн. АҚШ доллари ва хорижий кредит ҳисобидан 40 млн. АҚШ доллари) пахтани қайта ишлаш натижасида йилига 8,2 минг тонна калава-ип, 7,1 минг тонна буялган ва гул босилган трикотаж тўқима матолар, 3 млн дона болалар кийим-кечак маҳсулотлари, 2 млн дона аёллар кийим-кечаги, 2 млн дона чойшаблар, 1,5 млн дона катталар трикотаж кийим-кечаги, 14,5 минг тонна ем маҳсулотлари, 4,8 минг тонна пахта ёғи маҳсулотлари ишлаб чиқариш ҳамда туманда 1 000 та янги иш ўринлари яратиш режалаштирилган.
Do'stlaringiz bilan baham: |
