Бухоро давлат университети

В) Ўзбекистонда ихтиология фанининг ривожланиши.
Ўзбекистонда ихтиологик тадқиқотлар Россия ихтиология тарихи билан чамбарчас боғлиқ. Ўзбекистонда ихтиологияни ривожланишида рус олимларининг хизматлари катта. Х1Х асрнинг 70 - йилларида А. П. Федченко (1871) Зарафшон, Искандаркўл каби сувликларда балиқлардан пескар тўғрисида маълумотлар келтирилган. 1911 йилда И. В. Василев томонидан Ўрта Осиёдаги безгакка қарши кўлларни зоғора, шерех, пескар чавоқлари билан балиқлаштиришни ташкил қилди.
Л. С. Бергнинг маълумотларига қараганда (1949) Зарафшон дарёси яқин вақтларгача Амударё билан туташган бўлиб, унинг бир ирмоғи бўлган. Зарафшон дарёси ихтиофаунаси Ўрта Осиёнинг бошқа дарёлари билан ўзаро яқин алоқада бўлган. Д. А. Тудаков (1963) Ўрта Осиёнинг тоғли ва тоғолди ихтиофаунаси шаклланишини, қуйидаги асосий этапларга ажратади.
I. Cyprinidae вa Gobitidae - бўр - палеоген охирида ажралиш. Ўрта ер денгизи - Хитой комплексининг ҳосил бўлиши.
II. Неогенда Марказий Осиёнинг кўтарилиши. Ўрта ер денгизи Хитой комплексининг тарқалиши. Олд Ўрта Осиё чўл зонаси ва тоғли Марказий Осиё комплекслари (Sch irothorachina Nemachii) ва Nemachii, Stilizzkai каби типларнинг жануби - шарқий Осиёдан миграцияси натижасида намоён бўлган.
III. Музликлар даври. Мраказий Осиё ва қўшни зоналарнинг кучли кўтарилиши ва континентал изацияланиши. Совуқ ва иссиқ даврларнинг алмашиниши ва гидрогеографик тармоқларнинг ўзгариши.
Тоғли - водий ихтиофаунасининг кучли равишда ўзаро қўшилиб кетиши. Ғарбий, жанубий - ғарбий формаларнинг ҳамда шимолий формаларнинг қўшни областлардан даврий равишда миграцияси.
IV. Музлик давридан сўнг, ҳозирги давр. Марказий Осиё кўтарилишининг давом эттирилиши, Тян - Шан тоғ устлиги. Инсон фаолияти таъсирида гидрогеографик тармоқлар, ўтказиладиган кенг масштабли ирригоци – интродикцион чора - тадбирлар.
Ўрта Осиёнинг ҳозирги замон ихтиофаунаси (Kessler, 1872, Берг 1905 - 1949, Никольский 1938 - 1980) асосан қуйидаги фаунистик комплексларнинг вакилларидан иборат.
А) Юқори - учламчи ихтиофауна (Acepenser, Pseudascaphyrinchus, Aspicaluchus, Esacinus каби уруғлар).
Б) Орол - Каспий ихтиофаунаси (Rutulus, Abramis, Aspius, Barbus уруғлари).
В) Шимолий - Сибир ихтиофаунаси (Leociscus, cottus уруғлари).
Г) Тоғли Осиё ихтиофаунаси (Schirothorax уруғи).
Д) Олд Осиё ихтиофаунаси вакиллари (Capoetoproma, Varicorinus, Nemochilus, Malopterurus) каби типлар.
1970 - 1980 йилларда қуйи Зарафшон сувликларида Амур сувликлари ихтиофаунаси (оқ ва қора амур, оқ ва чипор дўнгпешона, амур чебачоги, корея вастробрюшкаси).
Қуйи Зарафшон сувликлари ихтиофаунаси то Аму - Бухоро канали ва Амук - Қоракўл канали фойдаланишга топширилганга қадар 17 турдан иборат бўлган балиқларнинг барчаси учраган (баъзи интродукцияланган турларни: гамбузия, кумуштовон карас, Орол лешини ҳисобга олмаганда). Буларни Турдаков 1936 - 1939, Берг 1949, Бурнашев 1949, Абдуллаев 1953, 1957, 1959, 1969, Комилов 1958, 1959 йилларда ўрганишган.
Қуйи Зарафшон вакиллари ихтиофаунаси 7 оиладан иборат бўлиб 37 турни ўз ичига олади. Турларнинг 61,1 % ни карпсимонлар ташкил қилади. Қуйи Зарафшон ихтиофаунаси 1-жадвалда берилган.
Г. Х. Шапошников (1950) маълумотларига қараганда Амударё ихтиофаунаси асосан юқори учламчи, тоғли Осиё, Ҳиндистон, Олд Осиё чўл сувликлари комплекси ва шимолий музликлардан миграциялашган вакиллар ҳисобланади.
Ўзбекистон ихтиофаунаси тўғрисида асосий маълумотлар М. А. Абдуллаев (1953, 1957, 1967, 1969 й), Комилов (1959 - 1973), А. Ҳ. Ҳасанов (1967), Д. Урчинов (1969, 1973, 1975), Ғ. М. Сайфуллаев (1996) ва бошқа олимлар томонидан келтирилган.
Ҳақбердиев Б. Ҳ. (1983) Хоразм сувликларининг балиқларини ўрганиб, 9 оилага тегишли бўлган 37 тур балиқлар рўйхатини келтиради. Хоразм сувликларидаги балиқларнинг 64,8 % ни карпсимонлар ташкил қилади.
Амонов А. А. (1985) жанубий Ўзбекистон сувликлари ҳамда қўшни Тожикистон баъзи сувликларидаги балиқлар рўйхатини тузади ва у 56 турдан иборатлигини кўрсатади.
1 - жадвал
Қуйи Зарафшон сувликлари балиқларининг тур таркиби (Абдуллаев. 1989 й.)