Бухоро давлат университети

Энг паст тана баландлиги (ik). Бу кўрсаткич одатга кўра дум сузгич асосида яқин жойда жойлашади. Асосан дум соҳасининг ўртаси бўлиб ҳисобланади.
Антидорсал масофа (aq) тумшуқ тепалигидан то орқа сузгичнинг биринчи нури асосигача бўлган соҳа. Бу чизиқ тўғри бўлиб, ҳар иккала нуқтани ўзаро туташтиради. Бу масофани сантиметр лента билан ёки ип билан ўлчаб олинади. Чунки бу жой нотекис. Орқа профили билан берилади. Букрисимон орқа, дуксимон орқа ва ҳоказо.
Постдорсал масофа (rd). Орқа сузгич қанотининг вертикал орқа учидан то дум сузгичигача бўлган масофа, тананинг орқа қисмидан ҳисобланади. Агарда сузгичлар иккита ёки учта бўлса, унда бу линия биринчи орқа сузгичнинг охирги асосидан олинади.
Тумшуқнинг охирги учидан то қорин ва анал сузгичлари (антивентрал ва анеал) ва ундан то аналгача бўлган масофа шунингдек то дум асосигача (поствентрал ва постанал) бўлган масофалар, карпсимонлар учун зарур эмас.
Балиқ дум қисми уузунлиги (fd). Анал сузгич қанотининг орқа чегарасидан то сузгич қаноти асосигача вертикал чизиқдан тангача қопламигача бўлган масофа. Бу линия балиқ тана ўртасидан ўтказилади.
Д асоснинг узунлиги – орқа сузгичнинг узунлиги (qs) нинг олдинги асосидан то охиги нур асосигача бўлган масофа кўрсаткичи бўлиб ҳисобланади. Агарда орқа сузгичлари биртадан кўп бўлса, ундан уларнинг узунлиги D – I, D – II, D – III каби асос узунлиги белгилари билан ифодаланади. Д нинг энг юқори баландлиги (tu) – орқа сузгичнинг энг юқори баландлиги. Бунда энг баланд нур ўлчанади.
А асоснинг узунлиги – анал сузгичи асосининг узунлиги, Д асос узунлиги қандай ўлчанадиган бўлса, шундай ўлчанади. А нинг энг юқори баландлиги ҳам анал сузгичининг энг узун нурини ўлчаш билан аниқланади, худди Д нинг баландлигини аниқлаган каби.
P – узунлиги (vx) V (zz₁) узунлиги яъни курак ва қорин сузгичлари узунлиги. Уларнинг олдинги линияси туташган жойидан то узун нурининг энг баланд нуқтасигача бўлган масофа, узун нур ҳисобга олинади.