Бухоро давлат университети ҳузуридаги илмий даража берувчи phD

Тадқиқотнинг республика фан ва технологиялари ривожланишининг устувор йўналишларига боғлиқлиги. Диссертация тадқиқоти республика фан ва технологиялар ривожланишининг I. “Ахборотлашган жамият ва демократик давлатни ижтимоий, ҳуқуқий, иқтисодий, маданий, маънавий-маърифий ривожлантиришда инновацион ғоялар тизимини шакллантириш ва уларни амалга ошириш йўллари” устувор йўналишига мувофиқ бажарилган.
Муаммонинг ўрганилганлик даражаси. Жаҳон ва рус адабиётшунослигида шеърий драма назарияси Л.Садыкова-Грачева, Б.Алперс, А.К.Минакова, Ч.Добрев, Л.Г.Пригожина, Гончарова-Грабовская, О.К.Страшкова, О.В.Журчева, Т.О.Власова, М.Меньшикова, Д.Н.Катышева² сингари олимлар ишларида махсус ўрганилган. Мазкур ишларда лирик драма (стихотворная драма) рус адабиётида XIX асрда А.С.Пушкин, Ю.Лермонтовлар ижодида юзага келганлиги, сюжети юнон мифологиясига бориб туташиши, ХХ аср бошларида такомилга эришганлиги ва жанрий табиатига хос хусусиятлар монографик планда ёритилган.
Ўзбек адабиётшунослигида шеърий драма жанри махсус тадқиқ этилмаган. Бироқ И.Султон, Ҳ.Абдусаматов, С.Алиев, Т.Бобоев, И.Жабборов, Н.Каримов, Б.Назаров, М.Раҳмонов, О.Ризаев, Э.Самандар, М.Саидхонов, Н.Турсунов, М.Умарова, М.Фозилова, М.Азизова, М.Алиев, Б.Имомов, К.Жўраев, Ҳ.Ҳакимова, М.Умарова, Ш.Ризаев, А.Солиев, И.Ғаниев, Х.Холиёров, Ш.Ҳасанов, М.Ҳошимова³ сингари олимларнинг тадқиқотларида драма жанрига хос хусусиятларни ўрганиш жараёнида шеърий шаклда ёзилган драматик асарларга муносабат билдирилган. Хусусан, И.Султон, Ҳ.Абдусаматов, Б.Имомовларнинг тадқиқотлари бу йўналишишдаги салмоқли ишлардир. Бироқ юқорида тилга олинган тадқиқотларда шеърий драманинг ўзбек адабиётида вужудга келиши, генезиси, бадиий тараққиёти махсус тадқиқ этилмаган.
Диссертацияни ёзиш жараёнида номлари кўрсатилган ва бошқа бир қатор ўзбек ва жаҳон адабиётшуносларининг тадқиқотлари эътиборга олинди, уларга муносабат билдирилди. Тадқиқотимизда бошқа илмий ишлардан фарқли ўлароқ, янги ўзбек адабиётида яратилган шеърий драмалар яхлит бадиий тизим сифатида тадқиқ қилинди.