Бухоро давлат университети ҳузуридаги илмий даража берувчи phD

Биринчи Қаландар
(Бухорийни кўрсатиб)
Буни дорга осмоқ керак кўзини ёшлаб!
Иккинчи Қаландар
Сўймоқ керак бу шаккокни товондан бошлаб!
Учинчи Қаландар
Бўйнига тош осиб сувга ғарқ қилмоқ керак!
Тўртинчи Қаландар
Тошбўронлар қилиб уни ўлдирмоқ керак!¹³²
Кўринадики, Эркин Воҳидов достонидаги табибнинг аянчли тақдири шеърий драмадаги Имом Бухорий қисматига ўхшайди.
Халқимиз тарихида жиноятчиларни элнинг кўз ўнгида қиздирилган темир билан қийнаш, дорга осиб, сувга чўктириб, товонидан бошлаб терисини шилиш тарзида қатл қилиш одат бўлганини юқоридаги икки адиб ижодида кузатамиз. Мазкур икки асарда икки адибнинг бир мавзу – жаҳолат ҳақидаги қарашларини бир йўсинда аммо икки хил талқин қилганликларига гувоҳ бўламиз.
“Руҳлар исёни” достонидан:
Жаҳолатнинг зари теккан,
Нодон, жоҳил, гумроҳлар.
Шифосига ожиз экан
Мен кашф этган гиёҳлар.
Кўр кўзларга меҳригиёҳдек,
Нур бахш этган наштарим.
Қалблар кўзини очмоққа лек,
Камлик қилди ҳунарим¹³³.
“Имом Бухорий” шеърий драмасидан:
Жаҳолатнинг асо тутган сўқир кўзлари –
Мен ҳақман, деб даъво қилса, қуюн сингари
Ёпирилса маърифатнинг чаманларига,
Қандоқ чидаш мумкин, ахир, бунинг барига?
Фалак, бу не бедодлик, бу нечук тахир,
Ё Раббано?! Сенинг кўзинг очиқ-ку ахир!¹³⁴
Бу иккала асарда яна бир муштарак жиҳат кўзга ташланади:
“Руҳлар исёни” достонидан:
Бандасига бермоқ дору,
Яратганга исёндир.
Демак, ҳаким иши макр-у
Унинг ўзи шайтондир¹³⁵.
“Имом Бухорий” драмасидан:
Биринчи Қаландар
(Бухорийни кўрсатиб)
Иблис била, шайтон билан ҳамкорга ўлим!
Иккинчи Қаландар
Шум ниятин пинҳон тутган маккорга ўлим!
Учинчи Қаландар
Куфру ғараз йўлин тутган бадкорга ўлим!