Бухоро давлат университети жисмоний маданият факультети

 
ОИЛАДА ХОТИН-ҚИЗЛАР СПОРТИНИ РИВОЖЛАНТИРИШ БАРКАМОЛ АВЛОДНИ 
ТАРБИЯЛАШ ОМИЛИДИР 
Азимов Л.А.,
 ўқитувчи, Бухоро давлат университети, Бухоро ш. 
 
Ҳалқимиз ўз тарихида ҳам ақлан ҳам жисмонан баркамол, фарзандларига меҳр кўрсатишгини 
эмас, балки бутун эл юрт, миллат озодлиги йўлида жон олиб жон беришга қодир фидоий хотин-
қизларни кўп кўрган.Уларнинг ёрқин ва сўнмас сиймоларини бадиий асарларга олиб кирган. Барчиной, 
Тўмарис каби жасур қаҳрамонлари билан фахрланишган. 
Мустақилликка эришган дастлабки кунларимиздан бошлаб жамиятимизда аёлларнинг муносиб 
ўрни ва мавқийи бўлиши давлатимизнинг устувор сиёсатига айланди. 
Айниқса биринчи Президентимиз И.А.Каримов томонидан турли йилларнинг «Оила» (1999), 
«Соғлом авлод» (2000), «Она ва бола» (2001), «Обод махалла» (2003), «Сихат саломатлик» (2005), 
«Обод турмуш» (2013) йиллари деб эълон қилиниши ва шу муносабат билан ишлаб чиқиладиган узоқ 
муддатли давлат дастурларининг изчиллик билан амалга тадбиқ этилаётганлиги аёллар ўртасида 
соғлом турмуш тарзини шакиллантириш, саломатлигини мустаҳкамлаш, маънавий-маданий, 
ижтимоий-иқтисодий имкониятларини оширишга олиб келмоқда. 
Қайт этиш лозимки, таълим, сихат-саломатлик, жисмоний тарбия ва спортга оид ҳужжатларда ўз 
аксини топиб келаётган Давлат дастурларининг янада чуқурроқ ва кенг маънода амалга оширишида, 
ёшларимизни маънавий ва жисмоний соғлом қилиб тарбиялашда хотин-қизлар спортини ўрни 
беқиёсдир. 
Оилада аёллар спортини ривожлантириш ва оммавийлаштириш, уларни соғломлаштирувчи спорт 
турларига кенгроқ жалб этиш, олдимизда турган долзарб вазифалардан биридир. 
Ўзбекистон Республикаси маданият ва спорт ишлари вазирлиги, хотин-қизлар қўмитасининг 
жойлардаги бўлинмалари томонидан хотин-қизларни оммавий равишда жисмоний тарбия ва спортга 
жалб этиш мақсадида спорт мусобақаларини ташкил қилиниши, аёлларимизни спортга бўлган 
қизиқишларини оширмоқда. 
Жумладан маҳаллаларда мактабгача таълим муассасалари ва бошқа соҳа вакиллари орасида 
тарғибот-ташвиқот ишларини жадал олиб борилиши натижасида спорт тадбирларида иштирок этаётган 
хотин-қиз сони 2017 йилга келиб 8,5 миллиондан ошиб кетди. Жисмоний тарбия ва спорт билан 

---