Бухоро давлат университети илм ва эзгулик бухоро – 2016

Марказий Осиёда ягона

Таълим-тарбия, илмий–тадқиқот тизимининг зукко ташкилотчиси Шариф Баротовнинг кенг жамоатчилик эътибор ва эътирофига сазовор бўлган ишларидан яна бири – унинг ташаббуси билан ташкил этилган “Психология” журнали билан боғлиқ. 2011 йилдан чоп этила бошлаган мазкур журналда психологияга оид ўзбек, рус ва инглиз тилидаги мақолалар эълон қилинади. Журнал бош муҳаррири Шариф Баротов ва таҳрир ҳайъати аъзолари сифатида танланган юртимизнинг энг нуфузли психолог, файласуф ва педагог олимлари ҳар бир мақоланинг илмий – назарий, илмий – амалий, сиёсий ижтимоий жиҳатдан пухта ва мукаммал бўлишига алоҳида эътибор қаратишади. Бу эса материалларнинг сифати, илмий теранлиги, замонавий масалалар баҳсида ибратлилигини таъминлашга хизмат қилмоқда.

* Ушбу мақола “Кўнгил мулки” рукни остида Жамият (ижтимоий-сиёсий) (№ 27. ( 403). 2014 йил, 4 июль) газетасида эълон қилинган.

Психология фанлари доктори, профессор Шариф Баротов шеърларидан намуналар


УСТОЗ, НИГОҲИНГИЗ МУНЧА МЕҲРЛИ^*!
Барча меҳридарё устозларимга бағишлайман.

Ҳар бир интиқ қалбга сирдош бўлолган,

Заҳматкаш, тоғ қадар бардош бўлолган,
Ҳатто қаҳратонда куёш бўлолган,
Устоз, нигоҳингиз мунча меҳрли.

Кўзларимга инсин мужгонларингиз

Қалбимга пок кўнгил – уммонларингиз,
Умрим билан безай ҳар бир онингиз,
Устоз, нигоҳингиз мунча меҳрли.

Одамлар турфа хил, ҳар зот ўзгача,

Садоқат бошқа-ю фарёд ўзгача,
Сиз бизга боқсангиз ҳаёт ўзгача,
Устоз, нигоҳингиз мунча меҳрли.

Ҳар ўгитингиз саодат асли,

Оламни безовчи тароват асли,
Чексиз меҳрингиздан шаҳодат асли,
Устоз, нигоҳингиз мунча меҳрли.

Мунис кўзингиз бир нур бўлайлик,

Илму ақлингиз шуур бўлайлик,
Осмон қадар Сизга ғурур бўлайлик,
Устоз нигоҳингиз мунча меҳрли.

Бугун дарахт каби хўп фусункорсиз,

Япроқлари сўнмас мангу баҳорсиз,
Шу боис оламда абадий борсиз,
Устоз, нигоҳингиз мунча меҳрли.

* Ушбу шеър “Бухоронома” (2011 йил 7-май. № 37 ) газетасида эълон қилинган.