Бухоро- 2022 Ўзбекистон республикаси олий ва ўрта махсус таълим вазирлиги бухоро давлат университети

5.2. Полягрофик усулда металлар анализи
Тоғ –кон саноатида табиий минерал манбалардан, турли ишловчилар бериб, металли маданлар бойитилади ва соф металл маҳсулотлари олинади. Маскур ишлаб чиқариш соҳаларида шунингдек, турли хил метал қотишмаларини тайёрлаш, айрим машинасозлик саноати корхоналаридаги лабораторияларда полярографик анализ усулларидан кенг миқёсда фойдаланилади. Кўпинча, текшириладиган эритма турли хил метал ионларини тутиши мумкин. Ана шундай ҳолатларда ҳам, уларни бир-биридан ажратмай анализ ишлари бажарилади. Бунга полярографик анализ усули имкон беради.
15- расмда турли хил ионларини ўзида тутувчи эритма полярограммасининг умумий кўриниши тасвирланган, жумладан, мазкур полярограмма Cd, Zn ва Mn тузлари аралашмасига тегишли.



15-расм.Кадмий, рух ва марганец тузлари аралашма эритмасининг полярограммаси
Расмда кўрсатилгандек, тажрибада поғонасимон шаклда полярографик тўлқинлар мажмуи кузатилади. Ундан ҳар бир катионга тегишли концентрация қийматлари аниқланади. Бунинг учун ҳар бир поғона тўлқини баландлиги (h) топилиб, олдиндан маълум бўлган мазкур катионларининг ҳар бири учун характерли тўлқин баландлиги қийматларига солиштирилади ва белгилаб олинади.
Бир хил металл, лекин ҳар хил валентликдаги ионлари бўлган эритмалар билан ҳам худда шундай анализ ишлари бажарилиши мумкинлигини қайд қиламиз. Унда ҳам поғонали- зинапоясимон полярограмма олинади. Бунга, мисол сифатида, хромат анионининг қайтарилиши полярограммасини кўрсатиш мумкин. У 16-расмда келтирилган. Худди ўхшаш молибдат, волфрамат, ванадат анионлари ҳамда 3 валентли темир, кобалт ва ҳоказо металлар ионларига хос полярограммалар мавжудлигини таъкидлаб ўтиш мумкин. хромат аниони қайтарилиши жараёнларини акс эттирувчи полярограмма (16 расм) хромат анионининг аммоний гидроксиди эритмасида Cr⁺, гача қайтарилишидан далолат беради. Кўриниб турибтики, жараён 2 босқичда бўлиб, аввал Cr⁺³ сўнгра Cr⁺² ҳосил бўлади ва у, ниҳоят, катодда соф атомар металга айланади. Хромат ионларининг уч валентли хром катионларига қайтарилиши эса иккинчи тўлқинга мос келади.