Бухгалтериянинг ҳисобининг халқаро стандарти 38 Номоддий активлар

Тан олиш ва баҳолаш

• Номоддий актив тан олиниши лозим, фақатгина агарда: (a) тадбиркорлик субъекти томонидан номоддий актив билан боғлиқ келгуси иқтисодий наф олиниши эҳтимоли мавжуд бўлса; ва (б) активнинг таннархи ишончли баҳолана олса.

• Активнинг фойдали хизмат муддати давомида мавжуд бўладиган иқтисодий шароитлар мажмуи бўйича раҳбариятнинг энг яхши баҳолашини акс эттирадиган оқилона ва тасдиқловчи фаразлардан фойдаланган ҳолда, тадбиркорлик субъекти кутилган келгуси иқтисодий нафларнинг эҳтимолини баҳолаши лозим.

Алоҳида сотиб олиш

• Алоҳида сотиб олинган номоддий активнинг таннархи қуйидагиларни қамраб олади: (a) савдо чегирмаларини ва имтиёзларини чегирган ҳолда, унинг сотиб олиш нархини, жумладан импорт божлари ва сотиб олиш билан боғлиқ қопланмайдиган солиқларни; ва (б) активдан кўзланган фойдаланишга тайёрлаш учун сарфланган ҳар қандай бевосита харажатлар. Қуйидагилар номоддий активнинг таннархида ҳисобга олинмайдиган сарфларга мисолдир: (a) янги маҳсулотнинг ёки хизматнинг намойиш харажатлари (шу жумладан, рекламага ва сотиш бўйича чораларга харажатлар); (б) янги жойда ёки янги мижозлар билан бизнесни амалга ошириш харажатлари (жумладан ходимлар учун тренинг харажатлари); ва (в) маъмурий ва бошқа умумий устама харажатлар.

Ички ишлаб чиқилган номоддий активлар

• Қуйидаги муаммолар туфайли, баъзида ички ишлаб чиқилган номоддий актив тан олиш мезонини қаноатлантиришини аниқлаш қийин бўлади: (a) кутилган келгуси иқтисодий нафларни келтириб чиқарадиган аниқланадиган актив мавжудлигини ва қачон мавжуд бўлишини аниқлаш; ва (б) актив қийматини ишончли аниқлаш. Баъзи ҳолларда, номоддий активни ички тажрибаконструкторлик ишлаб чиқиш харажатларини тадбиркорлик субъектининг ички яратилган гудвиллини сақлаш ёки яхшилаш ёки кунлик фаолиятини амалга ошириш харажатларидан фарқлай олинмайди.

Таннарх бўйича ҳисобга олиш модели

Таннарх бўйича ҳисобга олиш модели