Бухгалтерия ҳисоби ва аудит

Талаб қилинади: Харажатларни ҳисобга олишдаги хатоликларни аниқланг.

2-масала. Аудитор томонидан ускунани монтаж қилиш учун сарфланган харажатларни ишлаб чиқариш харажатлари таркибига киритилганлиги аниқланди. Ушбу монтаж ишлари монтаж қилувчи ташкилот томонидан бажарилган бўлиб, ушбу монтаж амалдаги асосий воситаларни реконструкция (модернизация) қилиш ишлари таркибига киритилади.

Талаб қилинади: Бу ҳолатда қандай меъёрий ҳужжат бузилган? Хатонинг сабабини аниқланг ва ушбу муомалаларни акс эттирувчи бухгалтерия проводкаларини беринг.

19-МАВЗУ: ПУЛ МАБЛАҒЛАРИ АУДИТИ

1-амалий машғулот.

Аудитнинг мақсади: Пул маблағлари бўйича амалга оширилган хўжалик муомалаларини қонуний, ишончли ва хўжалик учун мақсадли тартибда ташкил қилиш.


Касса муомалалари аудитининг асосий вазифалари:

1. 
   Кассадаги нақд пул маблағларини сақлаш шароитини текшириш.
   
2. 
   Кассадан нақд пуллар кирими ва чиқимини расмийлаштирувчи дастлабки ҳужжатларнинг тўғрилигини текшириш.
   
3. 
   Касса муомалаларини юритиш тартибини текшириш.
   
4. 
   Касса муомалалари ҳисоби, касса дафтари ва аналитик ҳисоб маълумотларини текшириш.
   
5. 
   Банкдан юридик ва жисмоний шахслардан кассага кирим қилинган нақд пулларнинг тўлиқлиги ва ўз вақтида киримга олинишини текшириш.
   

2-амалий машғулот.

1-масала. 10 февралда савдо ташкилоти бош кассаси инвентаризация қилинди. Бош кассир аудиторлар комиссиясига нақд 125000 сўм борлигини эълон қилди. Касса ҳисоботи маълумоти бўйича шу кун бошига нақд пул қолдиғи 25600 сўм бўлган. 10 феврал куни №151 касса кирим ордери бўйича 1-кассага 30000 сўм пул тушган ва шу сумма кирим қилинган. Шунингдек, 2-кассага тушган 27000 сўм № 152 касса кирим ордери бўйича кирим қилинган. 10 февралдаги №137 касса чиқим ордери бўйича банкка 44800 сўм топширилган.

Бош кассир қуйидаги шахсларга маошгача пул берганлигини тушунтириш хатида кўрсатиб ўтган:
Сотувчи Ҳамидова С.Г.га - 55000 сўм.
Ишчи Ахмедова А.Ш.га - 40000 сўм.
Кассир Абдуллаева Л.А.га - 35000 сўм
Кассир фикри бўйича бу суммалар иш ҳақи бериладиган кун юқоридаги шахслардан ушлаб қолинади.