Бухгалтерия ҳисоби ва аудит

Номоддий активлар аудитининг асосий вазифалари:

1. 
   Активларни номоддий активларга тўғри киритилганлигини текшириш.
   
2. 
   Номоддий активлар ҳаракатининг ҳужжатларда тўғри расмийлаштирилишини текшириш ва уларнинг бошланғич қиймати тўғри шаклланганлигини текшириш.
   
3. 
   Номоддий активлар кирими ва чиқими муомалалари бўйича проводкаларни тўғри берилганлигини ва тўлиқлигини ҳамда ҳисоб регистрларида тўғри акс эттирилишини текшириш.
   
4. 
   Ҳисобланган амортизация ажратмаларини Ўзбекистон Республикаси меъёрий ҳужжатларига мувофиқ акс эттирилганлигини текшириш.
   
5. 
   Номоддий активлар муомалалари бўйича ҳисобланган солиқларнинг тўғрилигини текшириш.
   

НАЗОРАТ САВОЛЛАРИ

1. 
   Номоддий активлар ҳисоби қайси меъёрий ҳужжатлар асосида тартибга солиниб турилади?
   
2. 
   Номоддий активлар баҳоланишининг тўғрилиги қандай текширилади?
   
3. 
   Номоддий активлар реаллигини текширишда қандай аудиторлик процедуралар қўлланилади?
   
4. 
   Номоддий активларнинг ҳужжатларда расмийлаштирилиши ва киримга олинишининг тўғрилигини қандай текширилади?
   
5. 
   Номоддий активларнинг ҳисобдан чиқарилиши қандай текширилади?
   
6. 
   Номоддий активларнинг аналитик ҳисобини текшириш тартиби қандай амалга оширилади?
   
7. 
   Номоддий активларга амортизация ҳисоблашнинг тўғрилигини қандай текширилади?
   
8. 
   Номоддий активларни аудит қилишда қандай ҳужжатлар ва бухгалтерия счётлари текшириш манбалари бўлиб хизмат қилади?
   

1-амалий машғулот.

1-масала. Корхона жисмоний шахсдан хусусийлаштирилган квартирани сотиб олди ва уни номоддий актив сифатида 0490 «Номоддий активлар» счётига ўтказилди. Нотариал идорасига сотиш ва сотиб олиш шартномасини расмийлаштириш учун унинг хизматига 52100 сўм нақд пул тўланди.
Харидор билан ҳисоб-китоб муомалалари корхонанинг ҳисоб-китоб счётидан харидорнинг омонат кассасидаги шахсий счётига 11000000 сўм ўтказиб берилди? Бу муомала учун омонат банкининг хизматига 78000 сўм тўлаб берилди.
Нотариал идорасига ва омонат Банкининг хизмати учун тўланган 130100 сўм чет ташкилотлар хизмати харажатларига ҳисобдан чиқарилган.
Бухгалтсрия ҳисобида қуйидагича ёзув қилинган:
Д-т 2010 сч, К.т 5010 сч - 52100 сўм - нотариал идорасининг хизмати.
Д-т 0490 сч, К.т 5110 сч - 11000000 сўм - сотиб олиш қийматига.
Д-т 2010 сч, К.т 5110 сч - 78000 сўм - банк хизмати учун.