Бухгалтерия ҳисоби фани бўйича маъруза матни 3-мавзу

Реал ва потенциал инвесторлар - маълум таваккалчилик билан корхонага маблағ киритган инвестициялар. Бухгалтерия ҳисобининг маълумотлари инвестор томонидан киритилган маблағ бўйича ўз даромадини фоиз ёки дивиденд кўринишда олиш имкониятини баҳолаш учун зарур ҳисобланади.
Кредиторлар – берилган кредит ва қарзларни ва ушбу маблағлари бўйича фоизларни ўз вақтида қайтариб олиш имкониятини баҳолаш учун бухгалтерия ҳисобининг маълумоти зарур ҳисобланади.
Билвосита манфаатдор ташқи истеъмолчиларга қуйидагилар киради:
Солиқ органи – солиқ декларациясининг тўғрилигини текширувчи, солиқ сиёсатининг самарадорлигини ва уни тартибга солиб турувчи орган.
Аудиторлик ташкилотлари – иқтисодий ахборотдан фойдаланувчиларнинг манфаатларини ҳимоя қилиш учун молиявий ҳисобот маълумотларининг тўғрилигини тасдиқловчи ташкилотлар.
Молиявий ва ҳуқуқий масалалар бўйича маслаҳатчилар – мижозларга капиталларини жойлаштириш бўйича тавсиялар ишлаб чиқарувчи, шартнома шартларини бажаришни баҳолаш ва бошқа масалаларда маслаҳат берувчи ташкилотлар.
Тартибга солиб турувчи орган – фонд бозори, фонд бозорининг профессионал қатнашчиларининг фаолиятини, акциядорлик жамиятларнинг қимматли қоғозларининг эмиссияси ва бошқа қатор масалаларни тартибга солиб турувчи орган.
1.6. Бухгалтерия ҳисобининг вазифалари ва усуллари.
Бухгалтерия ҳисобининг вазифалари
Бухгалтерия ҳисоби олдида 3 та асосий вазифа туради:
1. Режа бажарилиш устидан назорат олиб бориш.
Корхона бухгалтерия ҳисобида бу вазифа қўйидагича аниқлаштирилади:
- маҳсулот (иш, хизмат) ишлаб чиқариш режа бажарилиши, режада белгиланган маҳсулотлар номенклатурасини, турини, сифатини кузатиш, назорат қилиш, режа бажарилиши ўсиши омилларини аниқлаш;
- маҳсулотлар таннарҳини калькуляция қилиш, таннарҳни тобора камайтириш омилларини топиш;
- корхоналар рентабеллик даражалари бажарилишини назорат қилиш;
- бизнес-молия режаси бажарилишини назорат қилиш.