Bugungi kunda iqtisodiyotimiz tobora rivojlanib bormoqda

Anjumanda quyidagi yo‘nalishlar bo‘yicha ilmiy ma’ruzalar muhokama qilindi:

2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi doirasida mamlakat iqtisodiy xavfsizligini ta’minlashning ilmiy-amaliy asoslari;

iqtisodiy jinoyatchilikka qarshi kurashishning milliy-xalqaro tizimini mustahkamlash masalalari;

jinoiy faoliyatdan olingan daromadlarni legallashtirish, terrorizm va ommaviy qirg‘in qurolini tarqatishni moliyalashtirishga qarshi kurashish, shuningdek, moliyaviy xavfsizlikni ta’minlash sohasida xalqaro tajribalarni o‘rganish hamda iqtisodiy xavfsizlik bo‘yicha FATF standartlarini joriy etish masalalari;

mamlakatda xususiy mulk daxlsizligini himoyalash va iqtisodiy faoliyat erkinligini ta’minlashning amaliy-huquqiy mexanizmlarini takomillashtirish;

real sektor tarmoq korxonalari iqtisodiy xavfsizligi va mamlakat oziq-ovqt xavfsizligini ta’minlashning istiqbolli yo‘nalishlari.

Yalpi majlisda sohaga oid yetakchi mutaxassis va olimlarning ilmiy ma’ruzalari tinglandi va muhokama qilindi. Kunning ikkinchi yarmida anjuman ishtirokchilari 5 ta sho‘baga bo‘lingan holda muhokamalarni davom ettirishdi. Anjuman yakuni bo‘yicha qaror qabul qilinib, muhokama qilingan masalalar yuzasidan tegishli davlat boshqaruvi organlari va tashkilotlarga taqdim etish uchun xulosa va tavsiyalar tayyorlandi.

Anjuman tahrir hay’atiga respublika oliy ta’lim muassasalari professor-o‘qituvchilari, ilmiy tadqiqotchilar va soha mutaxasislarining 200 dan ortiq ilmiy maqolalari hamda ma’ruza tezislari taqdim etilgan bo‘lib, ularning eng saralari to‘plam sifatida chop etiladi.